«Šansuje», «havaryć» i «tutejšy». Zavod «Pramień» vypuściŭ kalekcyju hadzińnikaŭ, pryśviečanuju biełaruskim dyjalektam
Minski hadzińnikavy zavod «Pramień» sumiesna z AZS A-100 vypuściŭ limitavanuju kalekcyju hadzińnikaŭ i budzilnikaŭ «Kropki času». Jaje prymierkavali da Dnia biełaruskaha piśmienstva i pryśviacili biełaruskim dyjalektam.
«Kropki času» — heta limitavanaja kalekcyja, natchnionaja šmathrannaściu i bahaćciem biełaruskaj kultury i movy. Za minimalistyčnym dyzajnam schavany hłyboki sens raznastajnaści znajomych kožnamu biełarusu dyjalektaŭ», — skazana ŭ pres-relizie zavoda.
Na hadzińniku i budzilnikach — nadpisy na biełaruskaj movie («šansuje», «havaryć» i «tutejšy»), a taksama miežy Biełarusi. Što tyčycca koleru, to jość try varyjanty: «błakitnaje voziera», «pieršy pramień» i «viasnovy łuh».
«Hetaja kalekcyja niby lusterka, zazirnuŭšy ŭ jakoje, vy možacie viarnucca ŭ ciopłyja ŭspaminy svajho dziacinstva», — raskazali na zavodzie.
Kupić hadzińniki i budzilniki z novaj kalekcyi možna jak na sajcie luch.by, tak i ŭ firmovych kramach «Pramień».
Akramia taho, budzilniki paabiacali pradavać i na zapraŭkach A-100.
Tam ža prapanavali kupić i haračyja napoi ŭ kubačkach z dyzajnam «Kropki času» i QR-kodam, adskanavaŭšy jaki, možna budzie prajści test na viedańnie biełaruskaj movy i «atrymać padarunki ad AZS A-100 i Minskaha hadzińnikavaha zavoda «Pramień».
Čytajcie taksama:
Zavod «Pramień» vypuściŭ hadzińnik z vyjavami minskich panelek i Trajeckaha pradmieścia
Branzalety smart-hadzińnikaŭ zaražanyja vielizarnaj kolkaściu škodnych bakteryj — daśledavańnie
daŭno (dauno!) sastareŭšy łahatyp
chto ž zrobić jaho łučče?
dzie toj Dizajnier?