Z hetaha hoda abituryjenty buduć pastupać pa źmienienych praviłach
Łukašenka 5 studzienia padpisaŭ ukaz, jaki ŭnosić niekatoryja karektyvy ŭ praviły pryjomu abituryjentaŭ u VNU i ŭstanovy siaredniaj śpiecyjalnaj adukacy, paviedamlaje BiełTA.
Novy dakumient źmianiaje terminy rehistracyi na CT. Płanujecca, što ciapier abituryjenty pavinny buduć prachodzić hetuju praceduru z 9 pa 22 krasavika.
Ukaz taksama karektuje daty praviadzieńnia ŭstupnych vyprabavańniaŭ. CE i CT adbuducca ŭ adzinyja terminy dla ŭsich vypusknikoŭ biahučaha i minułych hadoŭ: 27 maja (CE i CT pa pradmiecie na vybar), 30 maja (CE i CT pa biełaruskaj abo ruskaj movie), 3 červienia (CT pa pradmiecie na vybar).
Šerah istotnych źmien tyčycca abituryjentaŭ, jakija iduć vučycca pa metavym nakiravańni. Novy dakumient daje prava pravodzić asobny konkurs siarod asobnych arhanizacyj — zakazčykaŭ kadraŭ (u vypadku adsutnaści konkursu pa śpiecyjalnaści).
Minimalny siaredni bał atestata dla pastupleńnia pa metavym nakiravańni pavinien budzie składać nie mienš za 7, ale dla śpiecyjalnaściaŭ, jakija najbolš zapatrabavanyja ŭ ekanomicy, mohuć być i vyklučeńni.
Pašyrajucca i sistematyzujucca lhoty dla pastupleńnia adoranych i matyvavanych abituryjentaŭ na najbolš zapatrabavanyja ekanomikaj śpiecyjalnaści i ŭ rehijanalnyja VNU. Taksama prapisali mahčymaść pastupleńnia abituryjentaŭ na ahulnych padstavach z ustalavańniem dla ich kvoty nie mienš za 20% ad płana naboru (pa miedycynskich śpiecyjalnaściach — nie mienš za 10%).
Ciapier budzie mahčymaść pastupić biez ustupnych vyprabavańniaŭ u rehijanalnyja VNU ŭ abituryjentaŭ, jakija majuć załaty (siarebrany) miedal abo dypłom ab siaredniaj śpiecyjalnaj abo prafiesijna-techničnaj adukacyi z adznakaj.
Vyklučeńniem stali nastupnyja śpiecyjalnaści: «Achova zdaroŭja», «Mižnarodnyja adnosiny», «Mižnarodnaje prava», «Pravaznaŭstva», «Ekanamičnaje prava», «Dziaržaŭnaje kiravańnie i prava», «Uschodaznaŭstva», a taksama śpiecyjalnaściaŭ, dyscyplinami profilnych vyprabavańniaŭ jakich źjaŭlajucca «Tvorčaść», «Fizičnaja kultura i sport».
Ukaz Łukašenki daje ŭradu paŭnamoctvy vyznačać pieralik profilnych kłasaŭ i śpiecyjalnaściaŭ, na jakija mohuć pastupać vypuskniki takich kłasaŭ na lhotnych umovach.
Čakajecca, što Minadukacyi ŭ najbližejšy čas praviadzie kompleks arhanizacyjna-mietadyčnych mierapryjemstvaŭ pa realizacyi pałažeńniaŭ ukaza, a baćkam i abituryjentam padrabiazna rastłumačać novaŭviadzieńni.
Čytajcie taksama:
Bolšaść biełaruskich studentaŭ užo vučycca płatna
Čynoŭniki Homielščyny zabaranili moładzi «pažyć dla siabie»
Ministr Ivaniec: U Biełarusi zastalisia šeść pryvatnych škoł
«Kumulatyŭny efiekt». Ministr adukacyi prahnazuje značnaje padaražeńnie navučańnia ŭ VNU
