Ministr Ivaniec: U Biełarusi zastalisia šeść pryvatnych škoł
Ustanovy adukacyi pryvatnaj formy ŭłasnaści pavinny prachodzić licenzavańnie, adnak atrymać śpiecyjalnyja dazvoły ŭdajecca daloka nie ŭsim.
Ilustracyjnaje fota Michal Dyjuk / AP
Zaraz u Biełarusi funkcyjanujuć šeść pryvatnych ustanoŭ adukacyi, zajaviŭ ministr adukacyi Andrej Ivaniec, piša «Sputnik».
Jon nahadaŭ, što ŭ 2022 hodzie ŭ zakon «Ab licenzavańni» ŭnieśli papraŭki, jakija vyznačyli paradak atrymańnia licenzij na adukacyjnuju dziejnaść ustanovami adukacyi.
Pavodle jaho słoŭ, dla pryvatnych škoł takija ž patrabavańni, jak i dla dziaržaŭnych, a ich dziejnaść pavinna stroha adpaviadać zakanadaŭstvu.
U vieraśni 2022 hoda biełaruskija ŭłady źviarnuli ŭvahu na pracu pryvatnych adukacyjnych ustanoŭ, paśla čaho adbyłosia zakryćcio šerahu škoł (usiaho ich było bolš za 30).
U zakanadaŭstvie byli ŭviedzienyja novyja formy licenzavańnia dla ŭstanoŭ daškolnaj, ahulnaj siaredniaj i śpiecyjalnaj adukacyi. Škoły i dziciačyja sady pryvatnaj formy ŭłasnaści pavinny byli vykanać patrabavańni, jakija tyčacca najaŭnaści nieabchodnaj vučebnaj dakumientacyi, mebli, invientaru, sanepidrežymu i hetak dalej.
U červieni 2023 hoda pieršy namieśnik ministra adukacyi Alaksandr Bachanovič adznačaŭ, što ŭ krainie pracujuć piać pryvatnych škoł, jakija zmahli atrymać dazvoły. Pry hetym jon padkreśliŭ, što licenzavańnie prajšli ŭsie dziaržaŭnyja škoły.
Čytajcie taksama:
Čynoŭniki Homielščyny zabaranili moładzi «pažyć dla siabie»
Školnikam vydajuć płastykavyja karty dla prajezdu. Ci budzie štraf, kali imi nie karystacca
U biełaruskich škołach uviaduć novy padručnik pa historyi. Ale «pierapisvańnia nie budzie»
