«Padstaŭ dla pryznańnia «pašparta novaj Biełarusi» bolš čym dastatkova». Kavaleŭski adkazaŭ litoŭskamu jeŭradeputatu
Pradstaŭnik Abjadnanaha pierachodnaha kabinieta pa zamiežnych spravach Valer Kavaleŭski prakamientavaŭ vydańniu «Pozirk» mierkavańnie deputata Jeŭrapiejskaha parłamienta ad Litvy i pastajannaha dakładčyka pa Biełarusi Piatrasa Aŭštravičusa, što ŭ spravie z prajektam, jaki prasoŭvajuć biełaruskija demakratyčnyja siły, «adsutničaje šmat roznych składnikaŭ, u tym liku — suvierenitet i terytaryjalnaść hetaha dakumienta».
Valer Kavaleŭski
Kavaleŭski na heta adkazaŭ, što demsiły «prapanujuć rašeńnie», jakoje moža dazvolić «zachavać subjektnaść biełaruskaha naroda, a heta akurat i źjaŭlajecca asnovaj suvierenitetu».
«Što tyčycca terytaryjalnaj prynaležnaści, to jość pašparty Maltyjskaha ordena, jaki nie vałodaje svajoj terytoryjaj, jość pašparty, jakija vydajucca mižnarodnymi arhanizacyjami. Adnak jany pryznajucca mnohimi krainami, u tym liku i Litvoj», — źviarnuŭ uvahu palityk.
Čytajcie taksama:
U alternatyŭnym biełaruskim pašparcie chočuć pakinuć kłasičny pravapis, a ad Šahała admovilisia
