Chit-parad 2009
Papularyzatary ajčynnaj muzyki, internet-partał «Tuzin Hitoŭ» vydali CD-kružełku ź pieśniami 12-ci pieramožcaŭ svajho chit-paradu za 2009 hod. «Lapis Trubiackoj», «Dziecidziaciej», IQ-48, J:mopc, Lavon Volski...
Papularyzatary ajčynnaj muzyki, internet-partał «Tuzin Hitoŭ» (na staroncy jakoha, darečy, možna zadarma i absalutna aficyjna zpampavać rok, folk, pop i estradu) vydali CD-kružełku ź pieśniami 12-ci pieramožcaŭ svajho chit-paradu za 2009 hod. «Lapis Trubiackoj», «Dziecidziaciej», IQ-48, i Lavon Volski.
Uźniosłyja «Zorački» ad «Lapisa Trubiackoha». Dalej - «Hołaja Manaška» ź biespryncypovaj depreśniakoŭščynaj «Atruta», nižej - praśvietlenaja biespraśviecica ad Neuro Dubelja, «Tryvaju». Na hetym z pank-błokam składanka zaviazvaje: na źmienu idzie stała pazityŭny J:mopc z kampazicyjaj «Nie zdavajsia!», sprabujučy mocaj śpievaŭ i słovaŭ pierakonanać nas (ci Kulinkoviča?), Za im — spadčynnyja žyćcialuby «Dziecidziaciej» z «Himnam Moładzi», dzie nazva, viadoma, sama za siabie: nichto nie spynić ichniaje sonca!
Lavon Volski i Ŭładzimir Puhač vyłučylisia krajovapatryjatyčnym «Takoha niama nidzie». Darečy, cikava prasočyć za pieršaj łastaŭkaj z adnajmionnaha prajektu Lavona, zroblenaha ŭ stylistycy 60- i 70-ch.
Za Folk-błok u tuzinovaj składancy adbyvaje Nasta Niakrasava z adviečnaj žalbaj pra toje, što vialiki dzień idzieć, a joj niečaha nadzieć. Da folku zusim niekanviencyjanalnym, ale ž pierakanaŭčym šlacham sprabuje padmazacca MAUZER sa svaim inšaśvietnym psichadelikam «Kalada».
U dadatak da TOP-12 jašče 30 pieśniaŭ u farmacie MR3 samych roznych nakirunkaŭ, ad šansona da rehiej: «Adys-Abeba», UltraVožyk, GARADzKIJA , Źmicier Vajciuškievič.
Admysłova dla nastalhujučych: dens-viersija staroha dobraha «Biełaha śnieha» ad Jadvihi Papłaŭskaj i Alaksandra Cichanoviča.
Premjer Tuzin-2009. Pieśni-pieramožcy hit-paradu «Tuzin Hitoŭ». «Viestriekords-plus», 2009.