«Nienasytnaść». Vydaviectva «Januškievič» vypuskaje kultavy polski raman
Vydaviectva «Januškievič» adkryła pieradzamovu na kultavy raman polskaha mastaka, piśmieńnika i fiłosafa Stanisłava Ihnacyja Vitkieviča «Nienasytnaść» u pierakładzie Aleny Piatrovič. Abmiežavanaja prapanova na Knihauka.com dziejničaje tolki da 14 śniežnia.
«Vysokaesteckaja kniha ŭ ćviordaj vokładcy, na šviedskaj papiery Lux Cream i abjomam 548 staronak za 34,90 złotych!» — apisvaje vydaviectva prapanovu.
«Nienasytnaść» (Nienasycenie) Stanisłava Ihnacy Vitkieviča (psieŭdanim — Vitkacy) ličycca najlepšym ramanam aŭtara.
Antyŭtapičnaja fantazija, napisanaja ŭ 20-ja hady XX stahodździa, apisvaje praces staleńnia hałoŭnaha hieroja na fonie revalucyjnaha kitajskaha ŭvarvańnia ŭ Jeŭropu i raspaŭsiudžańnia novaj viery. Simvałam hetaj viery źjaŭlajecca tabletka, pryniaćcie jakoj dazvalaje źmianić śvietapohlad, a taksama padavić indyvidualnaść i źniščyć asobu jak takuju.
Kniha nasyčana erotykaj, fiłasofijaj, palitykaj i mastactvam — praz pahružeńnie ŭ ich piersanažy imknucca spatolić svaju prahu žyćcia i zahłušyć mietafizičny žach isnavańnia.
Čytajcie taksama:
