Siaredni zarobak u Łatvii dasiahnuŭ 1126 jeŭra čystymi
Heta bolš jak u dva razy bolš, čym u Biełarusi.
U trecim kvartale 2023 hoda siaredniamiesiačny bruta-zarobak u Łatvii skłaŭ 1549 jeŭra, piša Delfi.lv sa spasyłkaj na źviestki Centralnaha statystyčnaha ŭpraŭleńnia.
U paraŭnańni z trecim kvartałam 2022 hoda bruta-zarobak vyras na 164 jeŭra (+11,8%).
Pahadzinny zarobak u trecim kvartale 2023 hoda skłaŭ 10,45 jeŭra, pavialičyŭšysia za hod na 14,9% (9,09 jeŭra ŭ trecim kvartale 2022 hoda).
Siaredniamiesiačny nieta-zarobak («na ruki») u Łatvii skłaŭ 1126 jeŭra, abo 72,7% ad bruta-zarobku. Za hod jon vyras na 11,0 %, apiaredziŭšy rost spažyvieckich cen. Realny rost nieta-zarobku z ulikam inflacyi skłaŭ 5,7%.
Pryčym na praciahu hoda siaredni zarobak u dziaržaŭnym siektary ros chutčej, čym u pryvatnym — pryrost na 13,7% i 11,1% adpaviedna.
***
Na minułym tydni Biełstat ahučyŭ pamier siaredniaha zarobku ŭ Biełarusi za kastryčnik — 1971 rubiel 20 kapiejek da vyliku padatkaŭ. Heta 600 dalaraŭ pa siarednim kursie dalara za kastryčnik i 583 jeŭra pa siarednim kursie za kastryčnik.
Kali brać zarobak «čystymi» ŭ Biełarusi, to heta 1695 rubloŭ (516 dalaraŭ abo 501 jeŭra).
Čytajcie taksama:
Siaredni zarobak u Litvie pieravysiŭ 2000 jeŭra brudnymi. Heta 1370 dalaraŭ čystymi
Siaredni zarobak u Polščy pieravysiŭ 1880 dalaraŭ
Z 1 studzienia minimalny zarobak u Łatvii składzie 700 jeŭra
