Znajści
Ałharytmičny łacinski varyjant
22.11.2023 / 14:09RusŁacBieł

Traŭmy na viražach. Bi-bi-si spyniaje vytvorčaść Top Gear z-za avaryi na zdymkach

«My viedajem, što spynieńnie vypusku pieradačy stanie sumnaj navinoj dla jaje prychilnikaŭ, ale ličym, što pastupili pravilna», havorycca ŭ zajavie karparacyi.

Viadoŭcy Top Gear stali sapraŭdnymi zorkami. Fota z sajta Bi-bi-si

Bi-bi-si pryniała rašeńnie na niavyznačany termin spynić vytvorčaść svajho znakamitaha aŭtamabilnaha šou Top Gear. Pryčynaj takoha rašeńnia stała surjoznaja traŭma, jakuju atrymaŭ na zdymkach u śniežni minułaha hoda adzin ź jaje viadučych Fredzi Flintof, piša Bi-bi-si.

«My viedajem, što spynieńnie vypusku pieradačy stanie sumnaj navinoj dla jaje prychilnikaŭ, ale ličym, što pastupili pravilna, — havorycca ŭ zajavie karparacyi. — Pry hetym usia astatniaja dziejnaść Top Gear, uklučajučy mižnarodnyja i ličbavyja farmaty, časopisy i licenzavańnie, zakranutaja nie budzie».

Były kapitan zbornaj Anhlii pa krykiecie, Endru Flintaf, bolš viadomy ŭ Vialikabrytanii jak «Fredzi», dałučyŭsia da kamandy Top Gear u 2019 hodzie razam z Padzi Mak-Hiniesam i Krysam Charysam. Šou ź ich udziełam było vielmi papularnym, i apošnija sieryi hladzieła kala 4,5 młn hledačoŭ.

Adnak zdymki byli pastaŭleny na paŭzu paśla śniežańskaj avaryi, jakaja adbyłasia padčas zdymak adnaho z trukaŭ.

Jaje padrabiaznaści nie vydavalisia, ale ŭ presu prasačyłasia infarmacyja pra toje, što Flintaf atrymaŭ surjoznyja traŭmy tvaru i skivicy. Hazieta Sun navat pisała, što jaho mašyna pierakuliłasia, choć chutkaść u toj momant nie pieravyšała 30 km/h

Pieršyja fatahrafii Fredzi paśla avaryi źjavilisia tolki ŭ vieraśni, i navat praz 9 miesiacaŭ pa šnarach na tvary možna było mierkavać ab ciažkaści atrymanych im traŭmaŭ.

U kastryčniku jahonyja advakaty raspaviali Haziecie Sun, što jon usio jašče nie apamiataŭsia, a niadaŭna viadoŭca damoviŭsia ź Bi-bi-si ab vypłacie jamu kampiensacyi ŭ 9 miljonaŭ funtaŭ sterlinhaŭ (kala 12 miljonaŭ dalaraŭ).

Zornaja pieradača

Apošnija dva dziesiacihodździ pieradača Top Gear była adnoj z samych papularnych na Bi-bi-si — u pieršuju čarhu dziakujučy zornym viadučym.

Ale pośpiechu spadarožničali i pastajannyja skandały, časam vielmi hučnyja. A taksama avaryi, bieź jakich ciažka ŭjavić sabie prahramu, źviazanuju ź vialikaj kolkaściu aŭtamabilnych trukaŭ i jazdoj na vysokich chutkaściach.

U ciapierašnim vyhladzie šou pačało svajo isnavańnie ŭ 2002 hodzie, choć hetaja teleprahrama vychodziła z 1977 hoda (da hetaha, u 1960-ch — 1970-ch, na radyjo Bi-bi-si isnavała šou z takoj ža nazvaj, ale jano było pryśviečana nie aŭtamabilam, a muzycy).

Aŭtarami novaha farmatu pa pravu ličacca pradziusar Endzi Uiljams i viadučy Džeremi Kłarksan.

Mienavita pry Kłarksanie, na dumku mnohich, u prahramy byŭ «załaty viek» i «załaty skład»: Ryčard Chemand i Džejms Mej vydatna dapaŭniali Džeremi, jakoha navat krytyki pryznajuć za adnaho z samych charyzmatyčnych televiadučych.

Rejtynh prahramy pastajanna išoŭ uvierch, ale, kab adpaviadać čakańniam, davodziłasia ryzykavać.

I choć pry zdymkach vykonvalisia raznastajnyja miery biaśpieki, heta nie źbierahło Ryčarda Chemanda ad surjoznaj avaryi, kali ŭ 2007 hodzie ŭ Amierycy jon razahnaŭ svoj balid z reaktyŭnym ruchavikom da 500 km/h ŭ sprobie pastavić naziemny rekord chutkaści.

Ryčard zastaŭsia žyvy, ale ŭ pačatku 2023 hoda jon pryznaŭsia, što pačaŭ pakutavać ad straty pamiaci i źviazvaje heta z toj avaryjaj.

Akramia miljonaŭ prychilnikaŭ, u Kłarksana, Chemanda i Charysa było i mnostva krytykaŭ, jakija vinavacili ich u hrubaści, hanarystaści, hreblivym staŭleńni da čužych kultur (trya šmat raźjazdžała pa śviecie, zdymajučy svaje sieryi ŭ roznych krainach i časam žorstka paciašajučysia ź miascovych paradkaŭ i zvyčajaŭ), a časam ich navat paprakali ŭ hamafobii i rasiźmie.

U niejki momant Bi-bi-si navat zrabiła Kłarksanu «apošniaje papiaredžańnie», paabiacaŭšy zvolnić jaho, kali jon jašče «dzieści i kali zrobić choć adnu abraźlivuju zaŭvahu».

Na nastupny hod viadučy i na samaj spravie pakinuŭ šou paśla rukaprykładstva: jon pasvaryŭsia z pradziusaram z-za taho, što na zdymačnaj placoŭcy nie akazałasia haračaj ježy.

Biez pracy Kłarksan nie zastaŭsia, stvaryŭšy z Chemandam i Mejem novaje šou Grand Tour, ale ŭžo na płatformie Amazon, choć mnohija ličać, što pośpiech Top Gear im pierasiahnuć tak i nie ŭdałosia.

Što ž tyčycca šoŭ Bi-bi-si, to jaho ź pieramiennym pośpiecham uznačalvali mnohija zorki, uklučajučy Meta Lebłana z «Siabroŭ» i papularnaha brytanskaha televiadučaha Krysa Evansa.

Apošni skład prahramy padabraŭsia ŭ 2018 hodzie, taksama akazaŭsia vielmi ŭdałym.

Peddi Mak-Hinies, majstar zabaŭlalnych šou, pryŭnios u prahramu elemient dastupnaści, Krys Charys, śpiecyjalist pa aŭtamabilach, dapamahaŭ padtrymlivać prafiesijny nastroj prahramy, nu, a Flintofu była adviedziena rola sarvihałavy. Jon adkazvaŭ za hałavałomnyja truki i ŭ pieršym epizodzie 2020 hoda navat ździejśniŭ bandžy-džampinh prosta ŭ mašynie z vysokaj płaciny.

Ale navat samyja paśpiachovyja i vidoviščnyja prahramy rana ci pozna zaviaršajucca. I choć pakul niezrazumieła, jak doŭha moža praciahnucca pierapynak u zdymkach, abvieščany Bi-bi-si, nie vyklučana, što i hetaje šou ŭ kančatkovym vyniku mohuć zakryć.

Čytajcie taksama:

Mastak Benksi paćvierdziŭ svajo sapraŭdnaje imia — Bi-bi-si

Prychilniki Kłarksana pryjechali da Bi-bi-si na tanku

Džeremi Kłarksan zvolnieny ź Bi-bi-si

Viadučyja Top Gear zapuskajuć novuju prahramu na Amazon Prime

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
0
Ого
4
Сумна
5
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930