Znajści
Ałharytmičny łacinski varyjant
11.11.2023 / 09:321RusŁacBieł

U Brytaniju viarnułasia bitłamanija. Sinhł «Bitłz» uznačaliŭ chit-parad upieršyniu z 1969 hoda

«Heta prosta dziŭna! Afihienna! Dla mianie heta vielmi chvalujučy momant. Ja vielmi zadavoleny», — prakamientavaŭ svoj novy pośpiech Poł Mak-Kartni.

Poł Mak-Kartni, Džon Lenan, Rynha Star i Džordž Charysan. 1968 hod. Fota: AP

Vypuščanaja na minułym tydni novaja pieśnia «Bitłz» pad nazvaj Now And Then uznačaliła chit-parad u Vielikabrytanii. Apošni raz sinhł «livierpulskaj čaćviorki» byŭ na viaršyni hetaha čarta ŭ 1969 hodzie, piša Bi-bi-si.

«Heta prosta dziŭna! Afihienna! Dla mianie heta vielmi chvalujučy momant. Ja vielmi zadavoleny», — prakamientavaŭ svoj novy pośpiech Poł Mak-Kartni.

Sinhł, jaki pavinien stać apošniaj u historyi novaj pieśniaj «Bitłz», užo paśpieŭ pastavić niekalki rekordaŭ.

Pa-pieršaje, tempy prodažaŭ viniłavych płaścinak z Now And Then stali rekordnymi dla XXI stahodździa, paviedamiła Official Charts Company (Brytanskaja arhanizacyja, jakaja składaje muzyčnyja chit-parady). Za tydzień u Brytanii było nabyta 19,4 tys. novych viniłavych płaścinak «Bitłz».

Pa-druhoje, «Bitłz» stali hrupaj, jakaja daŭžej za ŭsich čakała momantu, kab znoŭ uznačalić chit-parad u Vialikabrytanii. Paŭza pamiž jaje «pieršymi numarami» ciahnułasia cełyja 54 hady (apošnim na viaršyniu padymaŭsia sinhł The Ballad of John and Yoko). Na druhim miescy pa hetym pakazčyku — śpiavačka Kiejt Buš (jaje pieršy sinhł-lidar brytanskaha chit-paradu byŭ vypuščany ŭ 1978 hodzie, a apošni pa časie — pra 44 hady ŭ 2022-m).

Pa-treciaje, «Bitłz» zaraz — samaja pažyłaja hrupa na viaršyni brytanskaha čarta (Połu Mak-Kartni 82 hady, a Rynha — 83; Džon Lenan i Džordž Charysan nazaŭždy zastanucca 40-hadovym i 58-hadovym adpaviedna).

Videa-klip z novaj pieśniaj, jaki stvaryŭ režysior Piter Džeksan, užo pahladzieli ŭ YouTube kala 25 młn razoŭ.

Jak była zapisanaja novaja pieśnia?

Choć dvoje z členaŭ «Bitłz» pamierli šmat hadoŭ tamu, u zapisie Now And Then uziali ŭdzieł usie čatyry muzyki lehiendarnaha hurta.

Pieśnia zasnavana na dema-ploncy, jakuju ŭ kancy 1970-ch Lenan zapisaŭ na chatnim mahnitafonie, akampanirujučy sabie na fartepijana. U siaredzinie 1990-ch udava Džona Joka Ona pieradała kasietu z zapisam trom bitłam, jakija ŭ toj momant pracavali nad prajektam Anthology («Antałohija») — kalekcyjaj niavydadzienych materyjałaŭ «Bitłz» z troch častak.

Na kasiecie taksama byli i inšyja niavykarystanyja pieśni Lenana, u tym liku Free As a Bird i Real Love. Mak-Kartni, Charysan i Star dadali da ich svoj vakał i partyi roznych instrumientaŭ — i vypuścili ich u jakaści sinhłaŭ, jakija papiaredničajuć vychadu pieršaj i druhoj «antałohij».

Płanavałasia, što Now And Then stanie trecim takim sinhłam, ale pracu nad hetaj pieśniaj pryjšłosia pierapynić — hałoŭnym čynam, z-za techničnych prablem z zapisam. Jak raspavioŭ Mak-Kartni, kožny raz, kali muzyki sprabavali ŭzmacnić hučańnie hołasu Lenana, usio psavała fartepijana. Da taho ž, na ploncy prysutničaŭ šum «navodki» ad elektraaparatury.

Ale ŭ 2021 hodzie, paśla vychadu filma režysiora Pitera Džeksana The Beatles: Get Back, źjaviŭsia sposab adździalić hołas Lenana ad fartepijannaj partyi.

Hetamu dapamahli technałohii na asnovie štučnaha intelektu, jakija Džeksan raspracavaŭ, kab hledačy mahli razabrać usie dyjałohi pamiž bitłami, jakija pracavali nad svaim čarhovym albomam.

Ciapier kampjutar umieŭ «paznavać» Lenana i vyłučać jaho vakalnuju partyju na asobnaj hukavoj darožcy. Vykarystaŭšy hitarnyja partyi, jakija Charysan zapisaŭ jašče ŭ siaredzinie 1990-ch, Mak-Kartni i Star užo ŭ 2022-m dadali da hetaha bas-hitaru i ŭdarnyja. Makartni taksama paŭtaryŭ fartepijanny akampaniemient Lenana i vykanaŭ hitarnaje soła ŭ duchu Džordža Charysana na svajoj słajd-hitary.

Pradziusar zapisu Džajłs Marcin (syn aryhinalnaha pradziusara «Bitłz» Džordža Marcina) dapoŭniŭ aranžyroŭku strunnymi instrumientami — i navat vykarystaŭ «padpieŭki» maładych «Bitłz», zapazyčanyja z takich šedeŭraŭ, jak «Here There and Everywhere», «Eleanor Rigby» i «Because».

Pieršym u historyi sinhłam «Bitłz», jaki ŭznačaliŭ brytanski chit-parad, stała pieśnia «From Me To You» — heta adbyłosia ŭ 1963 hodzie.

Čytajcie taksama:

«Bitłz» vypuścili apošniuju pieśniu. Pasłuchać jaje možna ŭžo zaraz

Źnikłuju bas-hitaru Poła Mak-Kartni buduć šukać pa ŭsim śviecie. Jana źnikła ŭ 1969 hodzie

Statuju «Bitłz» u Livierpuli apranuli va ŭkrainskija vyšyvanki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
17
Панылы сорам
2
Ха-ха
1
Ого
4
Сумна
0
Абуральна
3
1
Noŭnejm /adkazać/
11.11.2023
Cudoŭnaja pieśnia! Całkam zasłužanaje miesca na samaj vyšyni!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930