Ministr justycyi prapanavaŭ, kab advakaty, jakich pryniali ŭ kalehiju da 2017 hoda, davali prysiahu
Pry hetym ministr justycyi prapanavaŭ pravieści mierapryjemstva va ŭračystaj abstanoŭcy, prymierkavaŭšy jaho da adnaho ź dziaržaŭnych śviataŭ.
Fota: Ministerstva justycyi
Advakatam, pryniatym u kalehii da 2017 hoda, nieabchodna prynieści prysiahu. Na heta źviarnuŭ uvahu ministr justycyi Siarhiej Chamienka na pašyranym pasiadžeńni rady Biełaruskaj respublikanskaj kalehii advakataŭ, paviedamlaje BiełTA.
Pry hetym ministr justycyi prapanavaŭ pravieści mierapryjemstva va ŭračystaj abstanoŭcy, prymierkavaŭšy jaho da adnaho ź dziaržaŭnych śviataŭ.
Jak rastłumačyli ŭ pres-słužbie Miniusta, norma ab pryniaćci prysiahi advakatami ŭniesienaja ŭ zakon «Ab advakatury i advakackaj dziejnaści ŭ Respublicy Biełaruś» u 2017 hodzie. Da hetaha prysiahu advakaty nie prymali.
Havoračy ab padtrymańni dyscypliny i zakonnaści ŭ advakackaj supolnaści, Siarhiej Chamienka padkreśliŭ: «Vykonvajučy patrabavańni zakanadaŭstva, kožny advakat unosić svoj układ u padtrymańnie imidžu advakatury».
Namieśnik ministra justycyi Mikałaj Staravojtaŭ, u svaju čarhu, adznačyŭ, što Ministerstvam justycyi ŭ terytaryjalnych kalehijach praviedziena vielizarnaja prafiłaktyčnaja rabota, jakaja dała stanoŭčyja vyniki.
Za try minułyja hady niekalki dziasiatkaŭ advakataŭ byli pazbaŭlenyja licenzij za toje, što baranili palitviaźniaŭ, a niekalki čałaviek asudžanyja, siarod ich Vital Brahiniec, Alaksandr Danilevič, Maksim Znak, Julija Jurhilevič dy inš. Sotni čałaviek pakinuli prafiesiju.
Čytajcie taksama:
Miniust praciahvaje čystku advakackaha korpusa
Advakaty, pazbaŭlenyja prava na prafiesiju, abjadnalisia ŭ asacyjacyju
