U kramach Duty Free chočuć dazvolić handal bujnahabarytnymi tavarami
Jeŭrazijskaja ekanamičnaja kamisija źbirajecca źniać zabaronu na biaspošlinny handal hruvastkimi i ciažkimi tavarami. Jak paviedamlajecca, hetuju prapanovu łabirujuć biełaruskija biznesmieny, piša Office Life.
Zdymak ilustracyjny. Fota: Photo by Schöning/ullstein bild via Getty Images
Dahetul u Jeŭrazijskim sajuzie było zabaroniena raźmiaščeńnie pad mytnuju praceduru biaspošlinnaha handlu tavaraŭ vahoj bolšych za 20 kh i sumaj pamieraŭ pa daŭžyni, šyryni i vyšyni bolšych za 200 sm. Adnak biełaruskija pradstaŭniki ŭ JEEK prapanavali hetaje abmiežavańnie źniać, matyvujučy svaje dziejańni składanaj ekanamičnaj situacyjaj i nieabchodnaściu pavieličeńnia prodažaŭ.
Papiarednie Kansultatyŭny kamitet kamisii pa mytnym rehulavańni z hetym nibyta pahadziŭsia.
Kali zabaronu skasujuć, u kramach Duty Free tearetyčna možna budzie pradavać roznuju bytavuju techniku, meblu dy inšyja tavary.
Na sietki Duty Free ŭ Biełarusi nie raspaŭsiudžvajucca abmiežavańni pa kantroli cen, a taksama zabarona na vykładańnie ałkaholu ŭ prykasavaj prastory.
Čytajcie taksama:
