Sabianin abviaściŭ pra «antyterarystyčnyja mierapryjemstvy» ŭ Maskvie
Uviedzieny dadatkovy kantrol na darohach. Mahčyma abmiežavańnie praviadzieńnia masavych mierapryjemstvaŭ.
Mer Maskvy Siarhiej Sabianin zajaviŭ, što ŭ horadzie pravodziać «antyterarystyčnyja mierapryjemstvy», piša «Mieduza».
«U suviazi ź infarmacyjaj, jakaja pastupaje, u Maskvie pravodziacca antyterarystyčnyja mierapryjemstvy, nakiravanyja na ŭzmacnieńnie zachadaŭ biaśpieki. Uviedzieny dadatkovy kantrol na darohach. Mahčyma abmiežavańnie praviadzieńnia masavych mierapryjemstvaŭ. Prašu pastavicca z razumieńniem da mier, jakija prymajucca», — napisaŭ kiraŭnik rasijskaj stalicy.
Na vulicach Maskvy raniej źjaviłasia braniatechnika. TASS paviedamlaŭ, što ŭ horadzie pa tryvozie ŭźniaty AMAP, uziaty pad uzmocnienuju achovu orhany dziaržaŭnaj ułady i abjekty transpartnaj infrastruktury.
Z takoj ža zajavaj vystupiŭ kiraŭnik Maskoŭskaj vobłaści Andrej Varabjoŭ.
«U Maskoŭskaj vobłaści ŭzmocnieny miery biaśpieki, situacyja kantralujecca pravaachoŭnymi orhanami i FSB. Pravodziacca antyterarystyčnyja mierapryjemstvy», — zajaviŭ hubiernatar.
Jon paprasiŭ žycharoŭ «ustrymacca ad pajezdak na asabistym transparcie na poŭdzień Maskoŭskaj vobłaści, u pieršuju čarhu za miežy rehijona».
Čytajcie taksama:
«My ŭvachodzim u Rastoŭ» — Pryhožyn u novym aŭdyjazvarocie
«Miaciež Pryhožyna»: što viadoma na hety momant
Pačalisia bajavyja sutyknieńni pamiž PVK «Vahnier» i siłami Minabarony Rasii — Pryhožyn
