«Dobraachvotniki rvucca ŭ boj». Šajhu zajaviŭ ab farmavańni ŭ Rasii reziervovaj armii
Minabarony RF da kanca červienia źbirajecca «zaviaršyć farmavańnie reziervovaj armii», jak abviaściŭ kiraŭnik rasijskaha vajennaha viedamstva Siarhiej Šajhu na naradzie prezidenta RF Uładzimira Pucina ź siabrami Rady biaśpieki.
«Farmujem reziervy ŭ składzie armiejskaha korpusa, armii. Plus da hetaha piać pałkoŭ — u 1-ju i 20-ju armii tankavyja. Tam idzie ŭsio płanava, faktyčna da kanca červienia zavieršym farmavańnie reziervovaj armii. I ŭ najbližejšy čas zavieršym farmavańnie armiejskaha korpusa. Piać pałkoŭ sfarmavanyja ŭžo bolš čym na 60%, u hetym vypadku ja kažu i pra asabisty skład, i pra techniku», — cytuje Šajhu Meduza.
Ministr abarony RF dadaŭ, što dla farmavańnia nazvanych złučeńniaŭ užo pastavili 3786 adzinak techniki.
Taksama Šajhu abviaściŭ, što ŭ rasijskuju armiju nabrali 114 tysiač kantraktnikaŭ i jašče 52 tysiačy dobraachvotnikaŭ. «U sutki na kantrakt u siarednim pastupaje 1336 čałaviek, faktyčna kožnyja sutki atrymlivajem połk», — skazaŭ ministr abarony.
Dobraachvotniki, sa słoŭ Šajhu, «naturalna, rvucca ŭ boj». Adnak, jak jon dadaŭ, u hety momant «krajniaj nieabchodnaści ŭ hetym niama». Akramia taho, ministr abarony padkreśliŭ, što im treba budzie prajści «surjoznuju padrychtoŭku».
Pra płany stvaryć novuju reziervovuju armiju dahetul nie paviedamlałasia. Skład reziervovaj armii Šajhu nie nazvaŭ, pry hetym armii US RF vielmi nieadnarodnyja. Tak, 1-ja tankavaja armija Zachodniaj akruhi składajecca z troch dyvizij (dźviuch tankavych i motastrałkovaj), a 35-ja armija Uschodniaj akruhi — usiaho ź dźviuch motastrałkovych bryhad i adnoj bryhady prykryćcia (štatnaja kolkaść bryhady mienšaja za kolkaść dyvizii prykładna ŭ try razy).
Čytajcie taksama:
Patrušaŭ zajaviŭ, što Rasija źniščyła 13 tysiač ukrainskich vajskoŭcaŭ padčas kontrnastupu
