Dziaŭčyncy ŭ češskaj škole plunuli ŭ tvar, bo jana ŭkrainka. Prezident Čechii sustreŭsia ź joj, kab padtrymać
Vypadak bulinhu ŭkrainskaj dziaŭčynki ŭ češskaj škole staŭ rezanansnym.
Fota: tvitar @prezidentpavel
Padčas ekskursii da Paliny z Koraścienia pačali čaplacca adnakłaśniki. Jaje pytali, ci jana rasijanka. Kali dziaŭčynka adkazała, što ŭkrainka, jaje pačali źnievažać i plunuli ŭ tvar. Videa hetaha ŭ sacyjalnyja sietki vykłała mama Paliny.
«Ukraina jość ku*va. Ukraina durnaja. Rasija lepšaja. Rasija macniejšaja», — kazali dzieci.
Palina im u adkaz zajaviła, što «Rasija — heta h**no».
Ukrainskaja ambasada ŭ Čechii tady apublikavała zajavu, u jakoj asudziła takija dziejańni.
Učora prezident Čechii Petr Paveł sustreŭsia z Palinaj.
«Ja asudžaju ździeki, prynižeńni i hvałt u škołach u cełym. A ŭ vypadku ź dziciem, jakomu praz vajnu daviałosia pakinuć svaju krainu i siabroŭ i jakomu my prapanavali prytułak, heta asabliva haniebna. Ja caniu reakcyju škoły i baćkoŭ i toje, što byli prabačeńni. Ale šnary na dušy zastanucca», — napisaŭ prezident u tvitary.
Jakija sajuźniki rasiei?
indyja za jaŭropu bolš
łacinskaja amieryka taksama
paŭdnieva ŭschodniaja azija taksama
Za rasieju tolki kitaj i toje na słovach))) tamu što strašna mierycca mociu z 60-70% śvietavoj ekanomiki i 99% śvietavoj navuki.
Rasieju žorska apuściać navat adnoj levaj i nichto jej nie dapamoža