U Kijevie buduć malicca za Ivana Maziepu. Anafiema jamu była abvieščana 300 hadoŭ tamu
U Kijeva-Piačerskaj łaŭry ŭpieršyniu ŭ historyi śviatyni adpraviać panichidu pa jaje miecenatu i hietmanu Ivanu Maziepu. Nabaženstva adbudziecca 11 červienia ŭ Dzień Usich Śviatych va Usichśviackaj carkvie, pabudavanaj za košt Ivana Maziepy.
Panichidu praviaduć z nahody 325-hodździa aśviačeńnia chrama, piša «Ukrainskaja praŭda».
«U hety dzień upieršyniu ŭ historyi Kijeva-Piačerskaj łaŭry budzie adpraŭlena panichida pa jaje miecenatu i hietmanu Ivanu Maziepu, jaki za niežadańnie padparadkoŭvacca Maskovii jašče pry žyćci byŭ padvierhnuty anafiemie rasijskaj impierskaj carkvoj. Nivodnaja z ukrainskich cerkvaŭ nikoli nie pryznavała siłu hetaj anafiemy, a ŭkraincy pa ŭsim śviecie malilisia za jaho spačyn. Zatoje ŭ Maskoŭskim patryjarchacie «praklinać» Maziepu praciahvali i ŭ časy niezaležnaj Ukrainy, i navat paśla pačatku vajny ŭ 2014 hodzie. Zaraz histaryčnaja i duchoŭnaja spraviadlivaść budzie adnoŭlenaja», — napisana ŭ paviedamleńni ŭkrainskaj Carkvy.
Panichida stanie pačatkam adradžeńnia va ŭkrainskaj łaŭry tradycyi ŭšanavańnia vybitnych fihur nacyjanalnaj historyi i kultury.
