«Ja padziakavała dobraachvotnikam za ich hieraizm». Cichanoŭskaja raskazała pra anłajn-sustreču z kalinoŭcami
Siońnia stała viadoma, što pradstaŭniki Pałka Kalinoŭskaha praviali anłajn-pieramovy sa Śviatłanaj Cichanoŭskaj. Niekatoryja detali razmovy «Našaj Nivie» pryvioŭ adzin z bajcoŭ, jaki prysutničaŭ na hetaj videasustrečy.
Fota: belwarriors / Telegram
Cichanoŭskaja taksama apublikavała z hetaj nahody post.
«Vyzvalić Biełaruś my možam tolki razam. Nam treba razmaŭlać i abjadnoŭvacca. Kožny pracuje ŭ svaim kirunku. Kalinoŭcy siońnia zmahajucca nie tolki za Ukrainu, ale i za svabodnuju Biełaruś. My padtrymlivajem ich pracu i ŭsich tych, chto praciahvaje baraćbu.
Ja padziakavała dobraachvotnikam za ich hieraizm. U nas supolnaja meta — svabodnaja, niezaležnaja i demakratyčnaja Biełaruś», — adznačyła Cichanoŭskaja.
Čytajcie taksama:
Siłaviki prymusili maci jašče adnaho kalinoŭca zapisać videa
