U Hankonhu zatrymlivali ludziej za śviečki ŭ hadavinu Ciańańmeń, u tym liku 67-hadovuju babulu Von
Siarod zatrymanych u Hankonhu — 67-hadovaja demakratyčnaja aktyvistka «babula Von», a taksama vieteran demakratyčnaha ruchu, lidarka apazicyjnaj partyi Hankonha Čań Po-In, paviedamlaje DW sa spasyłkaj na AFP.
Hankonh
U 34-ju hadavinu kryvavaha razhonu masavych studenckich pratestaŭ na piekinskaj płoščy Ciańańmeń pravaachoŭnyja orhany Hankonha zatrymali niekalki čałaviek, u tym liku 67-hadovuju demakratyčnuju aktyvistku Alaksandru Von, viadomuju jak «babula Von». Palicyjanty zatrymali jaje, kali jana išła z kvietkami pa horadzie, paviedamlaje ŭ niadzielu, 4 červienia, ahienctva AFP.
Akramia taho, karespandent AFP paviedamlaje ab zatrymańni lidarki apazicyjnaj partyi Hankonha «Liha sacyjał-demakrataŭ». Vieteranka demakratyčnaha ruchu Čań Po-In vyjšła ŭ horad z maleńkaj śviatłodyjodnaj śviečkaj i dźviuma kvietkami, i jaje adrazu praviali ŭ palicejski aŭtamabil.
Jašče adna žančyna padčas zatrymańnia zaklikała padniać śviečki i addać daninu pamiaci zahinułym studentam u Piekinie. Uvohule, pavodle źviestak palicyi, było zatrymana vosiem čałaviek u suviazi z «padbuchtorvańniem» i parušeńniem hramadskaha paradku.
Padziei 4 červienia 1989 hoda
U noč na 4 červienia 1989 hoda vajskovyja padraździaleńni KNR pry ŭdziele tankaŭ «ačyścili» płošču Ciańańmeń, dzie prachodzili mirnyja pratesty za demakratyčnyja reformy. Zahinuła, pavodle roznych źviestak, ad 200 da 1000 čałaviek. Sotni byli pakaranyja paźniej. Žorstki razhon studenckich mitynhaŭ na piekinskaj płoščy ŭvajšoŭ u historyju jak «Bojnia 4 červienia».
Va ŭsim Kitai zabaronienyja pamiatnyja mierapryjemstvy, pryśviečanyja kryvavym padziejam na płoščy Ciańańmeń, ź internetu vydalajecca lubaja zhadka pra hetyja padziei. Na praciahu mnohich hadoŭ Hankonh byŭ adzinym miescam u Kitai, dzie pravodzilisia štohadovyja masavyja akcyi ŭ pamiać ab kryvavym padaŭleńni pratestaŭ. Štohod 4 červienia ŭ parku Viktoryja źbiralisia tysiačy ludziej sa śviečkami. Paśla masavych demakratyčnych pratestaŭ u Hankonhu ŭ 2020 hodzie Piekin pryniaŭ tak zvany zakon ab biaśpiecy dla hetaha śpiecyjalnaha administracyjnaha rajona, jaki zabaraniaje štohadovyja mitynhi.
Čytajcie taksama:
Pryčynaj katastrofy na čyhuncy ŭ Indyi moh stać zboj sihnału. Modzi abiacaje pakarać vinavatych
«Vučyč, sychodź!» U Białhradzie — samy masavy antyŭradavy pratest za 11 hadoŭ
Pikietoŭca z płakatam «Svabodu i kienhuru, Pucin — pavuk» zatrymali na Krasnaj płoščy ŭ Maskvie
b) Kitajskaha
v) Rasiejskaha