Znajści
Ałharytmičny łacinski varyjant
02.06.2023 / 17:2115RusŁacBieł

Kolki kaštuje modny «łuk» Kačanavaj?

«Heta nie pra pradstaŭnikoŭ ułady Biełarusi. Heta nie pra nas — stylisty, vizažysty… Niama nijakich stylistaŭ, nijakich vizažystaŭ. Ja šyju adzieńnie ŭ atelje z tkaniny «Kamvol» i zaŭsiody našu adzieńnie biełaruskaj vytvorčaści», — skazała niadaŭna staršynia Savieta Respubliki Natalla Kačanava. «Jeŭraradyjo» padličyła, kolki moh by kaštavać stroj čynoŭnicy.

Natalla Kačanava čaściej za ŭsio abiraje strymanyja kolery adzieńnia: šery, błakitny, bežavy, sini. Zredku pryŭnosić raznastajnaść i vybiraje kletku. U «Kamvoli» sapraŭdy šmat takoha kštałtu kaściumnych tkanin. Heta paŭvoŭna z dadatkam paliestaru, viskozy.

Adzin mietr kaściumnaj tkaniny «Kamvol» kaštuje 23-24 rubli. Heta budzie, naprykład, błakitny miełanž abo «husinaja łapka» ŭ styli Šanel. Na harnitur z žakieta i spadnicy spatrebicca prykładna 3-3,2 mietra tkaniny. Na žakiet kala — 2-2,20 mietra, na spadnicu — mietr. 

 

Natalla Kačanava kaža, što adzieńnie joj šyjuć u atelje Hałoŭnaha haspadarčaha ŭpraŭleńnia Kiraŭnictva spravami prezidenta Biełarusi. Jano nazyvajecca LineA i adkrytaje dla ŭsich achvotnych na vulicy Miaśnikova, 37. Tam mohuć raspracavać dyzajn vopratki, lakały i pavodle ich pašyć harnitur, jaki idealna siadzie pa fihury.

— Viadoma, tut Natalla Kačanava kryvić dušoj, kali kaža, što stylisty — heta nie pra jaje. Kali čałaviek prychodzić u atelje, to ŭžo majecca na ŭvazie, što jon budzie pracavać z majstram indyvidualna. Heta toj samy stylist. Vopratka sadzicca na fihuru, padbirajecca tkanina. Heta niatanna. Ludziam, jakija chočuć sekanomić, praściej kupić adzieńnie, čym pašyć, — kaža «Jeŭraradyjo» dyzajnierka adzieńnia i supracoŭnica inšaha atelje ŭ Minsku.

Za pašyŭ žakieta na padkładcy ŭ majsterni, kudy źviartajecca Kačanava, voźmuć 200-260 rubloŭ, za spadnicu-ałovak — 60-80 rubloŭ. Stolki ž kaštuje pašyć štany, choć u ich Natallu Kačanavu možna zaŭvažyć niačasta. Sukienka kaštuje 110-170 rubloŭ.

Stolki kaštuje tkanina, padobnaja da toj, ź jakoj Kačanava šyła sabie błakitny stroj.

Natalla Kačanava nie asabliva ekśpierymientuje z vopratkaj — čaściej za ŭsio abiraje stroj z žakieta i kłasičnaj strohaj spadnicy. Fota: sovrep.gov.by

Možna mierkavać, što lakały dla Natalli Kačanava jak pastajannaj klijentki ŭžo raspracavanyja, tamu na ich jana z kožnym nastupnym zakazam ekanomić. Ale ŭvohule padrychtavać lakała spadnicy kaštuje 52 rubli, štanoŭ — 55. Stvaryć žakiet pa fihury daražej za ŭsio: za heta treba raskašelicca na 202 rubli. Za sukienku — na 103 rubli.

Prynamsi taki prajs raźmieščany na sajcie atelje. Takim čynam, harnitur žakiet+spadnica ŭ styli Kačanavaj z raspracoŭkaj dyzajnu i pašyvam budzie kaštavać kala 600 rubloŭ. Kuplajem jašče tkaninu — biełaruskuju, jak Kačanava. Atrymlivajecca kala 76 rubloŭ za tkaninu, plus padkładka, furnitura… Takim čynam, harnitur budzie kaštavać bolš za 700 rubloŭ.

Za raspracoŭku i pašyŭ žakieta i spadnicy ŭ atelje voźmuć nie mienš za 600 rubloŭ. Fota: sovrep.gov.by

— Pašyŭ žanočaha kaściuma jak u Kačanavaj u atelje premium-kłasa ŭ Minsku i z dobraj italjanskaj tkaniny — heta minimum 1000-1500 rubloŭ. Moj dośvied pakazvaje, što biełaruskija tkaniny ni ŭ jakoje paraŭnańnie ź italjanskimi iści nie mohuć, a jany kaštujuć kala 40 dalaraŭ za mietr.

Ja sabie kuplała ŭ «Kamvoli» tkaninu, i paśla pieršaha ž myćcia jana pajšła hałačkami. Ja nie vieru, što Kačanava šyje adzieńnie ź ich. Chiba što dla čynoŭnikaŭ niejkija śpiecyjalnyja vysakajakasnyja tkaniny tkuć… — kaža surazmoŭnica «Jeŭraradyjo», jakaja šyła tak zvanaje adzieńnie premium-kłasa.

Žakiet vyhladaje davoli dobra — dyzajnierka sumniavajecca, što jon pašyty ź biełaruskaj tkaniny. Fota: sovrep.gov.by

Čytajcie taksama:

«Čałaviek u futarale». Stylistka praanalizavała styl Natalli Kačanavaj

Vykarani ŭ sabie čynoŭnicu. Šeść pamyłak u styli, jakija psujuć vobraz

Dziŭnyja mietamarfozy zdarajucca z FOTAmi Natalli Kačanavaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka/adkazać/
03.06.2023
Kočanova leziet vsiudu, bieriotsia za vsio i zanimajetsia vsiem, v čiom nie javlajetsia śpiecialistom.
0
dočka Maksima Dizajniera/adkazać/
03.06.2023
daviedka, a v čiem ona javlajetsia śpiecialistom?)
iźvinitie za vopros)
0
daviedka/adkazać/
03.06.2023
V kanalizacii i dieŕmie po trubam.))
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera