Znajści
Ałharytmičny łacinski varyjant
31.05.2023 / 21:0766RusŁacBieł

Paźniak: Ja paspryjaŭ Sachaščyku, daŭ jamu šmat avansaŭ. Na žal, jon ich nie apraŭdaŭ

Zianon Paźniak, vystupajučy ŭ efiry jutub-kanała «Para!», siarod inšaha vykazaŭsia pra svaju kolišniuju padtrymku člena Abjadnanaha pierachodnaha kabinieta Śviatłany Cichanoŭskaj pa pytańniach abarony i nacyjanalnaj biaśpieki Valeryja Sachaščyka. 

Zianon Paźniak padčas intervju. Stop-kadr videa

Paźniak ličyć, što lubomu biełarusu za miažoju nieabchodna ŭvachodzić u strukturu toj krainy, u jakoj jon žyvie, treba być paŭnavartasnym hramadzianinam, karystacca ŭsimi pravami. «Tak žyła biełaruskaja emihracyja ŭ Kanadzie. Tak žyvie ŭ Amierycy. Jany ž nie žyvuć z pašpartami Savieckaha Sajuza. Jany hramadzianie Amieryki. I heta treba ŭličyć. Tamu što hetuju idyjockuju prapahandu pravodziać jašče z Savieckaha Sajuza: «Ujechał, značit priedał Rodinu».

Heta ŭsio treba zabyvać i ŭklučacca ŭ sacyjalnuju i palityčnuju sistemu tych krain, dzie žyvuć biełarusy. Vykarystoŭvać jaje dla vyzvaleńnia Biełarusi».

Takuju svaju pazicyju Paźniak davodziŭ i tady, kali ŭźnikła dyskusija adnosna člena Pierachodnaha kabinieta Valeryja Sachaščyka.

«I navat kali ja, jak heta kažuć, paspryjaŭ Sachaščyku, daŭ jamu šmat avansaŭ, na žal, jon ich nie apraŭdaŭ. Tam padniali verchał. Tam u jaho pašpart polski, u jaho pašpart ruski. Nu dyk heta biznesmien, jaki jeździŭ pa ŭsim śviecie. I jon pavinien heta mieć».

Na dumku Paźniaka, ludzi, jakija nie ŭ palitycy, hetaha nie razumiejuć i pačynajuć pryviazvać heta da takich vysnoŭ, jakija nie majuć pryčynna-vynikovaj suviazi pamiž saboju.

«Niama nijakaj suviazi pamiž atrymańniem pašparta, hramadzianstvam i patryjatyzmam da svajoj dziaržavy. Naadvarot, treba mieć usie mahčymaści, kab dapamahać svajoj dziaržavie»,

— padkreślivaje Paźniak i nazyvaje taki padychod palityčnym.

«Biznesoŭcaŭ nichto nie krytykuje. Jany majuć pašparty i jeździać pa ŭsim śviecie. Voś takim byŭ Sachaščyk. Boh ź im. Pahladzim, što ź im budzie dalej», — zaŭvažaje Zianon Paźniak.

Čytajcie jašče:

Paźniak padtrymaŭ Sachaščyka: Napieradzie pieramoha Ukrainy i vyzvaleńnie Biełarusi

Sachaščyk i Paźniak sprahnazavali, kolki spatrebicca biełaruskich bajcoŭ, kali impieryja budzie razburacca

U Sachaščyka skrali dźvie torby z dakumientami, jon padazraje KDB

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Vojt/adkazać/
01.06.2023
y, Zianon z Cepkałam pobač s…ć nia siadzie.
1
No/adkazać/
01.06.2023
daviedka, chłusiš, ruskamirny
0
otviet/adkazać/
01.06.2023
daviedka, koročie vsie s toboj poniatna, znaješ liš russkij, no dažie na niem pišieš s ošibkami.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera