«Što aŭtar da hetaha jeŭ?» Futbolny trenier zastupiŭsia za hazon na stadyjonie, jaki raskrytykavała «Sovietskaja Biełoruśsija»
Łukašenkaŭskaja hazieta «SB» raskrytykavała stadyjon «Haradski» ŭ Barysavie. Aŭtar vydańnia zajaviŭ nastupnaje: «Pole tam daŭno nahadvaje zapasny aeradrom, a varoty, daruj Boža, padskokvajuć». Hałoŭny trenier «Słavii» Ivan Bijončyk adreahavaŭ na heta, piša kanał BYsport.
Ivan Bijončyk. Skryn videa pres-kanfierencyi
«Chočacca spytać u taho, chto heta napisaŭ, što jon da hetaha jeŭ ci niešta ŭžyvaŭ. Nie razumieju, jak varoty naohuł mohuć padskokvać. Što za vobraz taki? Chaciełasia b, što hramadzianin padkarektavaŭ… Viedajecie, z usiaho taho, dzie my hulali, [tut] vydatny hazon i vydatnaje pole. I ja prosta zachopleny…
Bolšaść stadyjonaŭ ciažka pieražyli zimu. Ale na «Haradskim» pole cudoŭnaje. Absalutnyja kamplimienty za heta. Padziaka supracoŭnikam, jakija heta zrabili, i naohuł usim, chto maje dačynieńnie da padrychtoŭki pola. Varoty nie skakali, pole roŭnaje, vydatnaje, i ŭsio było vydatna», — skazaŭ Bijončyk na pres-kanfierencyi.
