«U mianie była prabitaja śpina, šyja». Kiryła Budanaŭ raskazaŭ pra ciažkoje ranieńnie, atrymanaje na Danbasie
Pavodle jaho słoŭ, atrymany askiepak nielha vyniać ź cieła, tamu što heta niebiaśpiečna.
Kirył Budanaŭ. Fota: Novoje vriemia
Kiraŭnik HUR Ukrainy Kiryła Budanaŭ zajaviŭ pra ciažkoje ranieńnie, jakoje jon atrymaŭ, znachodziačysia ŭ Danbasie. Pra heta paviedamlaje vydańnie Radio1 na spasyłkaj na intervju kiraŭnika Hałoŭnaha ŭpraŭleńnia raźviedki ŭkrainskamu vydańniu «Novoje vriemia».
Pavodle jaho słoŭ, atrymany askiepak nielha vyniać ź cieła, tamu što heta niebiaśpiečna.
«U mianie była prabitaja śpina, šyja. Vychodziŭ praź liniju frontu svaim chodam, na adrenalinie, dzieści piać kiłamietraŭ, a potym upaŭ źniasileny», — raspavioŭ Budanaŭ.
Jon padkreśliŭ, što ciapier jaho žyćciu ništo nie pahražaje. Jon taksama adznačyŭ, što ŭ jaho było try ranieńni. Samaje ciažkaje jon atrymaŭ u toj momant, kali razarvałasia supraćpiachotnaja mina, a adzin z abłomkaŭ trapiŭ jamu pad serca.
Kali jon atrymaŭ ranieńnie, Budanaŭ nie ŭdakładniŭ.
Čytajcie taksama:
Kontrnastup užo pačaŭsia. U Ofisie Zialenskaha zrabili važnuju zajavu
