Pasažyry pabačać dva ŭzychody sonca. Aŭstralijskaja kampanija anansavała samy doŭhi pieralot — 20 hadzin
Z kanca 2025 hoda aŭstralijskaja avijakampanija Qantas Airways zapuścić samy doŭhi rejs u śviecie. Heta budzie pieralot z aŭstralijskaha aeraporta Sidnieja ŭ łondanski Chitrou, jaki Qantas nazvaŭ Project Sunrise.
Maršrut składzie 17 000 km. Za čas palotu — kala 20 hadzin — pasažyry zmohuć ubačyć dva ŭzychody sonca, paviedamlaje finance.ua.
Zapuścić rejsy płanujecca ŭ kancy 2025 hoda. Pakul avijakampanija pavinna padrychtavać samalot: pamienšyć kolkaść miescaŭ, kab bort staŭ lahčejšym. Dla pasažyraŭ płanujecca arhanizavać zonu adpačynku.
Paloty buduć prachodzić na Airbus A350-1000 — samym vialikim u avijacyjnaj halinie šyrokafiuzielažnym samalocie. Choć hetaja madel samalota zvyčajna źmiaščaje ad 350 da 410 pasažyraŭ, samaloty Project Sunrise buduć mieć usiaho 238 miescaŭ, u tym liku
- 6 luksaŭ pieršaha kłasa,
- 52 luksy biznes-kłasa,
- 40 kresłaŭ premium-ekanamkłasa,
- 140 miescaŭ ekanamkłasa.
Usie pasažyry taksama buduć mieć dostup da bartavoj «zony dabrabytu», jakaja, zhodna z Qantas, budzie asobnaj prastoraj dla pieramiaščeńnia z baram samaabsłuhoŭvańnia.
Čytajcie taksama:
U Jeŭropie raspracoŭvajuć hipierhukavy samalot, jaki źmienić pasažyrskuju avijacyju
Nas čakaje bolš stresaŭ u palotach: z-za źmieny klimatu turbulentnaść stanovicca bolš častaj źjavaj
Pra što nie raskaža ściuardesa: što varta viedać pra hihijenu i ježu ŭ samalocie
