U Varšavie stvaryli miemaryjał u honar usich zahinułych biełaruskich vajaroŭ
Ź inicyjatyvy biełarusaŭ Varšavy, padtrymanaj pałkom Kalinoŭskaha, na placoŭcy kala Muzieja volnaj Biełarusi stvorany časovy miemaryjał u honar hierojaŭ Biełarusi, paviedamiła «Našaj Nivie» pres-słužba Muzieja volnaj Biełarusi.
Jak paviedamili arhanizatary, pryjści da miemaryjała i ŭšanavać pamiać usich zahinułych biełaruskich vajaroŭ možna pačynajučy ź siońniašniaha dnia, 19 maja. Miemaryjał budzie adkryty da sierady, 31 maja. Try dni budzie śviacić u nieba bieła-čyrvona-bieły pražektar.
Spačuvańni možna budzie pakinuć u knizie, jakaja znachodzicca ŭ budynku muzieja pa adrasie: Muziej volnaj Biełarusi, Varšava, Foksal, 11. Uvachod na placoŭku budzie adčynieny štodzionna da 31 maja z 10:00 da 22:00.
Čytajcie taksama:
Źjavilisia padrabiaznaści hibieli kalinoŭcaŭ u Bachmucie: «čaćviora zastałosia pad zavałami»
Biełaruskija padraździaleńni panieśli ciažkija straty pad Bachmutam. Niekalki čałaviek zahinuła
