Znajści
Ałharytmičny łacinski varyjant
19.05.2023 / 07:273RusŁacBieł

«Zabjuć — ok, nie zabjuć — vialiki dziakuj». Były «vahnieraviec» Miadźviedzieŭ zajaviŭ, što choča viarnucca z Narviehii ŭ Rasiju

Pasolstva Rasii ŭ Narviehii paćvierdziła ahienctvu «RIA Naviny», što były kamandzir adździaleńnia PVK «Vahnier» Andrej Miadźviedzieŭ maje namier viarnucca ŭ Rasiju.

Andrej Miadźviedzieŭ

U sieradu Miadźviedzieŭ, jaki prasiŭ prytułak u Narviehii paśla ŭciokaŭ z Rasii, apublikavaŭ videazvarot, u jakim zajaviŭ, što choča viarnucca na radzimu, navat kali heta ŭjaŭlaje niebiaśpieku dla jaho žyćcia, piša Bi-bi-si.

«U cełym pahladzim, jak jano pojdzie ŭ Rasii. Zabjuć — ok, nie zabjuć — vialiki dziakuj. Daduć žyć — jašče bolš dziakuj», — kaža Miadźviedzieŭ u roliku, raźmieščanym na YouTube.

26-hadovy Miadźviedzieŭ taksama skazaŭ, što vakoł jaho «adbyvajecca šmat niezrazumiełaha». «Ja siabie adčuvaju niejkim chłopčykam u niejkaj vialikaj hulni vialikich dziadziečak. Udzielničać ja ŭ hetym nie chaču. Śviedčyć suprać čaho-niebudź ja nie chaču», — zajaviŭ były «vahnieraviec».

13 studzienia Miadźviedzieŭ niezakonna pierajšoŭ miažu pamiž Narviehijaj i Rasijaj. Narviežskim uładam jon zajaviŭ, što byŭ najmitam PVK «Vahnier» i braŭ udzieł u vajennych dziejańniach na terytoryi Ukrainy.

Pavodle jaho, jon byŭ śviedkam pazasudovaj raspravy, jakaja ŭčyniałasia najmitami, a taksama inšych złačynstvaŭ va Ukrainie. Jon vykazvaŭ aściarohi, što viartańnie ŭ Rasiju budzie aznačać dla jaho hibiel ad ruk ludziej zasnavalnika PVK «Vahnier» Jaŭhiena Pryhožyna.

Ułady Narviehii zajaŭlajuć, što zacikaŭlenyja ŭ pakazańniach Miadźviedzieva jak važnaha śviedki vajennych złačynstvaŭ, učynienych Rasijaj.

Pa słovach Miadźviedzieva, jon maje namier adklikać svajo prašeńnie ab palityčnym prytułku ŭ Narviehii.

U druhoj pałovie dnia ŭ čaćvier Miadźviedzieŭ taksama daŭ intervju kiraŭniku prajekta Gulagu.net Uładzimiru Asiečkinu, u jakim paćvierdziŭ, što ŭžo źviazaŭsia z pradstaŭnikami ambasady Rasii. Zapis zakančvajecca słovami Miadźviedzieva, što pa jaho «ŭžo pryjechali».

Miadźviedzieŭ zajaviŭ Asiečkinu, što vyrašyŭ viarnucca na radzimu, bo choča być pobač ź siamjoj — bratam i siostrami. U intervju jon taksama pytajecca Asiečkina: «Ty viedaješ, tak, što takoje stracić blizkaha čałavieka?» Pry hetym nie tłumačyć, što mienavita maje na ŭvazie, i adznačaje, što «nie choča, kab heta publikavali».

Čytajcie taksama:

Były kamandzir PVK «Vahnier» uciok z Rasii i prosić palityčny prytułak u Narviehii

Palicyja Narviehii nie budzie departavać u Rasiju byłoha vahnieraŭca Miadźviedzieva

Vahnieraŭca, jaki ŭciok u Narviehiju i paprasiŭ tam prytułku, aryštavali za napad na palicejskich

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
BLR/adkazać/
19.05.2023
Nie razumieju, navošta trymać hetaha mudaka i zabojcu? Užo daŭno adpravili by na kavadła da kuvałdy
6
Aleksandr /adkazać/
19.05.2023
Nie suditie...da niesudimy budietie
1
Bienia/adkazać/
19.05.2023
Obyčnaja prinuditielnaja dieportacija na istoričieskuju rodinu.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031