U červieni pa ŭsioj Biełarusi buduć ładzicca biaspłatnyja ekskursii
«Vandruj. Adčuj. Natchniajsia» — akcyja pad takoj nazvaj budzie prachodzić pa ŭsioj Biełarusi z 5 pa 11 červienia 2023 hoda. Udzielničać buduć muziei, kulturnyja centry, ustanovy adukacyi, ahrasiadziby, turystyčnyja kompleksy, ekałahičnyja parki — ahułam kala 800 roznych abjektaŭ. Tak što vybar sapraŭdy vialiki, piša Budzma.org.
Pałac Chraptovičaŭ u Ščorsach. Fota ilustracyjnaje
U pieryjad akcyi abjekty pa ŭsioj Biełarusi prapanujuć naviedvalnikam:
- biaspłatnyja ekskursii i kvesty;
- dni adčynienych dźviarej;
- majstar-kłasy;
- dehustacyi straŭ nacyjanalnaj kuchni;
- prezientacyi pasłuh i śpiecyjalnyja prapanovy.
Udzielniki akcyi abiacajuć bieźlič raznastajnych mierapryjemstvaŭ. Voś tolki niekatoryja, što padalisia cikavymi i jakija varta pa mahčymaści naviedać
5 červienia «Muziej-siadziba Pružanski pałacyk» ładzić biaspłatnuju ekskursiju (h. Pružany, vuł. Savieckaja, d. 50);
z 5-ha pa 10-ha červienia Pinski kafiedralny kaścioł zaprašaje na biaspłatnuju ekskursiju pa byłym manastyry francyskancaŭ (h. Pinsk, vuł. Lenina, 16);
6-ha červienia — biaspłatny ŭvachod u muziej i zbornaja biaspłatnaja ekskursija ŭ Domie-muziei Marka Šahała z 11.00 da 12.00. A taksama — biaspłatny ŭvachod u muziej i zbornaja biaspłatnaja ekskursija ŭ Art-centry Marka Šahała z 14.00 da 15.00;
z 6-ha pa 9-ha červienia «Homielski pałacava-parkavy ansambl» zaprašaje na biaspłatnyja ekskursii;
6-ha i 7-ha červienia možna naviedać ekspazicyju Paŭnočnaj viežy Halšanskaha zamka;
7-ha červienia možna biaspłatna naviedać ekskursiju pa pałacavym kompleksie ŭ Ružanach (h.p. Ružany, vuł. Urbanoviča, 15a) albo naviedać «Muziej biełaruskaha Paleśsia» (h. Pinsk, pł. Lenina, 22).
Arhanizatary akcyi — Ministerstva sportu i turyzmu i Nacyjanalnaje ahienctva pa turyźmie.
Čytajcie taksama:
Nacbank zapuściŭ sajt Muzieja hrošaj. Tam jość anłajn-tury
U Biełarusi adkryli pałac Bułhakaŭ paśla restaŭracyi, jakaja doŭžyłasia 14 hadoŭ
