«My budziem pierahladać svaje zapisy pa miery mahčymaściaŭ». Amierykanskaja ŭstanova adkazała na biełaruski zapyt adnosna źmieny podpisaŭ pra pachodžańnie mastakoŭ
Biełaruskaja rada kultury atrymała adkaz ad Nacyjanalnaj halerei mastactva ŭ Vašynhtonie na svoj zapyt adnosna źmieny podpisaŭ pad rabotami mastakoŭ biełaruskaha pachodžańnia. Biełarusy chočuć, kab pra vychadcaŭ ź Biełarusi pisali mienavita tak, a nie jak pra vychadcaŭ z Rasii ci Polščy.
Partret Marka Šahała. Mazaika Nadziei Chadasievič-Leže
Zapyt zrabiŭ dyrektar BRK pa spravach kulturnickaj dypłamatyi Aleś Čachoŭski padčas svajho asabistaha vizitu va ŭstanovu i sustrečy ź jaje kiraŭnictvam. Ciapier jon atrymaŭ list ad kiraŭnika adździeła kalekcyj vyjavaŭ halerei Hrehary Mosta.
Aleś Čachoŭski ŭ Nacyjanalnaj halerei mastactva ŭ Vašynhtonie
«Tema abnaŭleńnia nacyjanalnaściaŭ mastakoŭ apošnim časam aktyŭna abmiarkoŭvajecca ŭ biblijatekach i muziejach śvietu i zaŭsiody pradstaŭlała šmat składanaściaŭ.
Mastaki, jakija naradzilisia ŭ adnoj krainie, pracavali ŭ roznych miaścinach i mianiali svajo hramadzianstva. Źmianialisia hieahrafičnyja miežy. My budziem pierahladać svaje zapisy pa miery mahčymaściaŭ.
Spadziajusia, Biełaruskaja rada kultury dapamoža ŭ stvareńni pakazalnika biełaruskich mastakoŭ, jaki budzie vykarystoŭvacca jak daviedka dla ŭsich muziejaŭ i biblijatek», — napisaŭ u svaim liście adkazny supracoŭnik amierykanskaj kulturnaj ustanovy.
Čytajcie taksama:
Šahał, Sucin, Bakst… Što zrabić, kab śviet pačaŭ ich ličyć vychadcami ź Biełarusi?
