Znajści
Ałharytmičny łacinski varyjant
15.05.2023 / 21:197RusŁacBieł

Ramzan Kadyraŭ zapłaciŭ ukrainskim śpiecsłužbam za viartańnie svajho kania z Čechii

Pavodle rasijskaha zakanadaŭstva, padobnaje moža ličycca vielmi surjoznym kryminalnym złačynstvam.

Fota: telehram-kanał Ramzana Kadyrava

Kiraŭnik Čačni Ramzan Kadyraŭ 15 maja raspavioŭ u svaim telehram-kanale ab viartańni svajho źnikłaha ŭ Čechii kania pa mianušcy Zazu. Pavodle jaho słoŭ, dla hetaha jon kantaktavaŭ z pradstaŭnikami «ŭkrainskich śpiecsłužbaŭ».

Zazu źjaŭlajecca 16-hadovym hniadym žarabcom, jaki znachodzicca va ŭłasnaści kiraŭnika Čačni i tamu byŭ zamarožany ŭ jakaści jaho aktyvu paśla ŭviadzieńnia sankcyj u 2014 hodzie. U sakaviku źjaviłasia navina, što koń źnik z adnoj z češskich stajniaŭ i, chutčej za ŭsio, byŭ skradzieny.

«Na pačatku hoda na mianie praz pasiarednictva vyjšli pradstaŭniki ŭkrainskich śpiecsłužbaŭ, jakija prapanavali vykupić Zazu. Jany viedali pra maju prychilnaść da skakuna i nie praličylisia — kaniešnie ž, ja pahadziŭsia. I abyšłosia mnie hetaje viartańnie ŭ 18 tysiač dalaraŭ. Čystyja kapiejki, uličvajučy jaho realny košt», — raspavioŭ Kadyraŭ.

Raniej toj zajaŭlaŭ, što jaho koń moža kaštavać 10 miljonaŭ dalaraŭ. I navat niahledziačy na ​​mocnaje razychodžańnie pamiž koštam žarabca i koštam jaho vykupu, hetaja ździełka źjaŭlajecca vielmi sumnieŭnaj z punktu hledžańnia rasijskaha kryminalnaha kodeksa.

Reč u tym, što, naprykład, pa infarmacyi toj ža rasijskaj Fiederalnaj słužby pa finansavym manitorynhu ad sakavika minułaha hoda, «akazańnie finansavaj, materyjalna-techničnaj i inšaj dapamohi Ukrainie, u tym liku USU, ciahnie kryminalnuju adkaznaść pa art. 275 KK RF («Dziaržaŭnaja zdrada»)». 

Tak što Kadyravu za finansavańnie ŭkrainskich śpiecsłužbaŭ navat na 18 tys. dalaraŭ, pavodle rasijskaha zakanadaŭstva, pavinna pahražać da 20 hadoŭ pazbaŭleńnia voli.

Čytajcie taksama:

Kadyraŭ raspavioŭ, čamu pastajanna kaža «don»

Kadyraŭ admoviŭsia sustrakacca z čačencami, što trapili ŭ pałon. I adpraviŭ ich znoŭ na front

«Dzie vy byli, kali my vajavali za Ičkieryju?» Kadyraŭ niečakana abvinavaciŭ Zachad u niaŭdačach čačenskich niezaležnikaŭ

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Dyrka /adkazać/
16.05.2023
Koń zaminirovan
0
Rusłan/adkazać/
16.05.2023
Dyrka , "Provierieno. Min niet" 
0
Uład/adkazać/
16.05.2023
Koń pryhožy. Ale ja tak i nie zrazumieŭ, što jon rabiŭ u NATO. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera