Kolkaść zaražeńniaŭ kleščavym encefalitam uzrasła ŭ Biełarusi bolš čym u dva razy
Kolkaść zaražeńniaŭ kleščavym encefalitam u 2022 hodzie vyrasła ŭ 2,1 razu, chvarobaj Łajma — u 2,5 razu. Pra heta zajaviła na pres-kanfierencyi entamołah Respublikanskaha centra hihijeny, epidemijałohii i hramadskaha zdaroŭja Śviatłana Jaškova.
Fota: Wikimedia Commons
«Pa danych statystyki za 2022 hod, u nas adbyŭsia rost kleščavych infiekcyj u 2,1 razu pa kleščavym encefalicie i 2,4 pa Łajm-barelijozie, i heta nas naściarožvaje», — zajaviła Jaškova.
U hetym hodzie zachvorvańnie na encefalit i chvarobu Łajma znachodzicca na ŭzroŭni minułaha hoda.
«Na hety momant zarehistravanyja 2 vypadki kleščavoha encefalitu i bolš za 200 vypadkaŭ Łajm-barelijozu, ale ŭ hetych vypadkach samo zaražeńnie adbyłosia jašče ŭ minułym hodzie. Za 4 miesiacy 2023 hoda ŭ arhanizacyi achovy zdaroŭja źviarnułasia dosyć vialikaja kolkaść ludziej (u siarednim u try razy bolš, čym za anałahičny pieryjad 2022 hoda) z prysmoktvańniem klaščoŭ», — zajaviła Jaškova na pres-kanfierencyi.
Čytajcie taksama:
Apracoŭku Minska ad klaščoŭ zavieršać na nastupnym tydni
Klaščy: jak ad ich uratavacca i što rabić, kali nie zdoleli
Jakija srodki ad klaščoŭ samyja nadziejnyja? Paraŭnoŭvaje navukoviec
