Колькасць заражэнняў клешчавым энцэфалітам узрасла ў Беларусі больш чым у два разы
Колькасць заражэнняў клешчавым энцэфалітам у 2022 годзе вырасла ў 2,1 разу, хваробай Лайма — у 2,5 разу. Пра гэта заявіла на прэс-канферэнцыі энтамолаг Рэспубліканскага цэнтра гігіены, эпідэміялогіі і грамадскага здароўя Святлана Яшкова.
Фота: Wikimedia Commons
«Па даных статыстыкі за 2022 год, у нас адбыўся рост клешчавых інфекцый у 2,1 разу па клешчавым энцэфаліце і 2,4 па Лайм-барэліёзе, і гэта нас насцярожвае», — заявіла Яшкова.
У гэтым годзе захворванне на энцэфаліт і хваробу Лайма знаходзіцца на ўзроўні мінулага года.
«На гэты момант зарэгістраваныя 2 выпадкі клешчавога энцэфаліту і больш за 200 выпадкаў Лайм-барэліёзу, але ў гэтых выпадках само заражэнне адбылося яшчэ ў мінулым годзе. За 4 месяцы 2023 года ў арганізацыі аховы здароўя звярнулася досыць вялікая колькасць людзей (у сярэднім у тры разы больш, чым за аналагічны перыяд 2022 года) з прысмоктваннем кляшчоў», — заявіла Яшкова на прэс-канферэнцыі.
Чытайце таксама:
Апрацоўку Мінска ад кляшчоў завершаць на наступным тыдні
Кляшчы: як ад іх уратавацца і што рабіць, калі не здолелі
Якія сродкі ад кляшчоў самыя надзейныя? Параўноўвае навуковец
