Pucin zahadaŭ pieranieści abraz aŭtarstva Andreja Rublova z Traćciakoŭki ŭ carkvu
Pres-słužba RPC paviedamiła, što Uładzimir Pucin pryniaŭ rašeńnie ab viartańni RPC abraza «Trojca», napisanaha ŭ XV stahodździ Andrejem Rublovym.
Fota: Wikimedia Commons
Abraz, jak paviedamlajecca, śpiarša na hod budzie vystaŭleny dla pakłanieńnia ŭ maskoŭskim chramie Chrysta Zbaviciela, a zatym zojmie histaryčnaje miesca ŭ Trajeckim sabory Śviata-Trajeckaj Sierhijevaj łaŭry.
Z 1920-ch hadoŭ, kali savieckaja ŭłada pravodziła žorstkuju antyrelihijnuju palityku z represijami suprać śviataroŭ i zakryćciom chramaŭ, hety abraz znachodziŭsia ŭ zborach Traćciakoŭskaj halerei. Navat kali epocha kamunizmu skončyłasia, jon tak i nie byŭ viernuty Carkvie.
Viartańnie ž mienavita ciapier možna źviazvać siarod inšaha i z uzmacnieńniem ideałahičnaj roli RPC na fonie niaŭdač rasijskaj armii ŭ raźviazanaj Kramlom vajnie va Ukrainie. Tak, niadaŭna paviedamlałasia, što ŭ vajskovych padraździaleńniach rasijskaj vajskovaj hrupoŭki «Dniepr» u Chiersonskaj vobłaści pačali pravozić raniej padorany Pucinym abraz z vyjavaj «Spasa Nierukatvornaha».
Čytajcie taksama:
Patryjarch Kirył pazbaviŭ sanu protadyjakana Andreja Kurajeva
