U Minsku na nastupnym tydni projdzie vyjaznoje pasiadžeńnie Rady Parłamienckaj asamblei ADKB
Vyjaznoje pasiadžeńnie Rady Parłamienckaj asamblei Arhanizacyi Dahavora ab kalektyŭnaj biaśpiecy zapłanavana na 17-18 maja.
Fota: BiełTA
Jak piša BiełTA, na pasiadžeńni, jakoje projdzie ŭ Minsku, płanujecca razhledzieć realizacyju rašeńniaŭ listapadaŭskaj (2022 hoda) siesii Rady kalektyŭnaj biaśpieki ADKB i abstanoŭku, jakaja składvajecca ŭ zonie adkaznaści arhanizacyi; dziejnaść dziaržaŭnych orhanaŭ Biełarusi pa zabieśpiačeńni ŭstojlivaści i stabilnaści hramadska-palityčnaj i vajennaj abstanoŭki, procidziejańni vyklikam i pahrozam biaśpieki ŭ kantekście realizacyi pryjarytetaŭ staršynstva ŭ ADKB u 2023 hodzie.
Taksama razhledziać prajekt zajaŭ Rady PA ADKB pa praduchileńni honki ŭzbrajeńniaŭ u kaśmičnaj prastory i pa supraćdziejańni złoŭžyvańniu narkotykami siarod dziaciej i moładzi i prasoŭvańni ich zdarovaha ładu žyćcia i šerah inšych pytańniaŭ.
