Biełaruś i Zimbabve damovilisia supracoŭničać u kaśmičnaj śfiery
Nacyjanalnuju akademiju navuk Biełarusi naviedała delehacyja ŭstanoŭ adukacyi i navukovych arhanizacyj Zimbabve. Siarod inšaha ź biełaruskimi navukoŭcami damoŭlena ab supracoŭnictvie ŭ śfiery raźvićcia kaśmičnych technałohij, paviedamiła pres-słužba NANB.
Ź zimbabvijskaha boku pieramovy vioŭ ministr vyšejšaj i siaredniaj adukacyi, navuki i technałahičnaha raźvićcia Amon Murvira, ź biełaruskaha — pieršy namieśnik staršyni Prezidyuma NANB Siarhiej Čyžyk.
«Baki vyznačyli šerah pierśpiektyŭnych napramkaŭ dla dalejšaha supracoŭnictva: kaśmičnyja technałohii, novyja materyjały, technałohii i kompleksy pierapracoŭki minieralnych syravinnych materyjałaŭ i rud, ahrapramysłovy kompleks, padrychtoŭka navukovych kadraŭ i inš.», — raskazali ŭ NANB.
Čyžyk i Murvira damovilisia padpisać miemarandum ab namierach u najbližejšaj pierśpiektyvie.
Čytajcie taksama:
Pieršaja łedzi Zimbabve — Łukašenku: Vy nie tolki baćka, vy — maci
Aksilija Mnanhahva ŭ Minsku havaryła słovami Natalli Kačanavaj
