U Pinsku pachavali palitviaźnia Mikałaja Klimoviča
Spačatku jaho cieła pryvieźli da jaho doma, kudy siarod inšych raźvitacca pryjšli svajaki pinskich palitviaźniaŭ, raspaviała @pozirkonline krynica.
Pachavańnie, jak i było zapłanavana, adbyłosia na pinskich mohiłkach «Tarhošycy».
«Tam było kala 20 čałaviek, heta svajaki i siabry Mikałaja», — adznačyła krynica.
Pra śmierć Mikałaja Klimoviča ŭ viciebskaj kałonii stała viadoma 7 maja. 28 lutaha sud pryhavaryŭ jaho da 1 hoda pazbaŭleńnia voli za znak «śmiešna» pad karykaturaj na Alaksandra Łukašenku.
Mikałaj Klimovič pieranios insult i składanuju apieracyju na sercy i pierad prysudam skazaŭ: «Luboje turemnaje źniavolvańnie dla mianie — heta śmierć, tamu što ja pavinien być pad stałym nahladam urača, prymać vialikuju kolkaść mocnych lekaŭ. Ja mahu nie vytrymać navat miesiaca».
Čytajcie taksama:
