«Nie chapała siły». Załužny zhadaŭ, što daviało jaho da śloz z pačatku rasijskaha ŭvarvańnia
Hałoŭnakamandujučy USU Valeryj Załužny, niahledziačy na adsutnaść emocyj zvonku, chvaravita pieražyvaje ŭkrainskija straty. Jon uspomniŭ, jak płakaŭ, kali pryjšłosia skazać maci abaroncy, što jaje syn zahinuŭ.
Valeryj Załužny. Skrynšot videa
Pra heta hałoŭnakamandujučy Uzbrojenych sił Ukrainy Valeryj Załužny zajaviŭ u intervju Dźmitryju Kamarovu «Hod. Za kadram»
«Ja, pierš za ŭsio, narmalny čałaviek z absalutna narmalnym sercam i toje, što emocyi na tvary i ŭ pavodzinach nie vydajuć, skažam tak, čałaviečaha bolu, heta jašče ničoha nie značyć. Serca adčuvaje heta vielmi i vielmi baluča. I navat ciapier mnie nie chaciełasia b uspaminać tyja imiony, jakija zachavalisia mnie ŭ pamiaci. Niama sił niešta zrabić z hetymi zapisami.
Mabyć, ja jašče nie hatovy da hetaha. Kali-niebudź ja, vierahodna, zrablu heta, kab nazaŭsiody vydalić hetaha čałavieka z telefona, ale nie atrymajecca vydalić jaho z pamiaci».
Na pytańnie, ci davodziłasia jamu płakać, Załužny adkazaŭ: «Budučy hałoŭnakamandujučym, mnie nie chočacca pryznavacca ŭ niejkich tam słabaściach, ale ja čałaviek. Adnojčy ja płakaŭ, kali mama šukała syna. Jon byŭ piłotam viertalota, jaki lotaŭ u Maryupal. Jašče na toj momant, pakul ja ź joj pierapisvaŭsia, u mianie była nadzieja, što ŭsio ž taki jon žyvy i ŭsio budzie dobra. I ŭ adzin momant mnie dałažyli, što jon zahinuŭ, jaho niama».
Załužny adznačyŭ, što kali jon pavinien byŭ pahavaryć z maci pra hibiel vajskoŭca, u jaho «nie chapiła siły».
Jon admoviŭsia nazyvać imia abaroncy i adznačyŭ, što ŭsie zahinułyja voiny vartyja ŭšanavańnia i pryznańnia.
Hałoŭnakamandujučy dadaŭ, što vielmi mocna pieražyvaje ŭkrainskija straty.
Załužny miarkuje, što stratehičnaja meta RF na pačatku ŭvarvańnia va Ukrainu palahała ŭ tym, kab źniščyć ukrainskuju dziaržaŭnaść: «Jany raźličvali na toje, što zojduć arhanizavanymi kałonami, ludzi sustrenuć ich z chlebam i sollu, — i na hetym ukrainskaja dziaržava skončyłasia. Ale ŭkraincy pačali supraciŭ, ukraincy pačali abaraniacca».
«Pa stanie na ciapier jany z Rasijskaj Fiederacyi iduć siudy, kab śviadoma zabivać ukraincaŭ. Sutnaść hetaj vajny zaklučajecca ŭ tym, što, kali ciapier my nie źniščym hetaha voraha, budziem źniščanyja my, bo jany pryjšli śviadoma».
Hałoŭnakamandujučy USU padkreśliŭ, što rasijanie iduć zabivać ukraincaŭ, niahledziačy na toje, što niasuć «šalonyja» straty na poli boju va Ukrainie.
Taksama Załužny skazaŭ, što straty, jakija niasuć rasijskija akupanty, spynili b lubuju krainu, ale, mabyć, u Rasii čałaviečaje žyćcio ničoha nie vartaje.
«Jany dziejničajuć jak arda. Navat zychodziačy z taho, što my bačym pa kolkaści ich strat, prosta pahladzieć, što tam zastajecca na poli boju.
Takija straty spynili b lubuju krainu ad dalejšych dziejańniaŭ. Voś lubuju krainu spynili b. 15 tysiač strat u Afhanistanie faktyčna pastavili na kaleni Saviecki Sajuz. Ciapier ličba strat Rasijskaj Fiederacyi našmat bolšaja. I jana ich nie spyniaje.
Vysnova tolki adna, što samaje tannaje, što jość u hetaj krainie, — heta čałaviečaje žyćcio. Heta samaje tannaje, što tam moža być. U nas ža naadvarot — heta samaje darahoje».
Załužny ličyć, što Ukrainu čakaje składany i doŭhi šlach da pieramohi.
Jon dadaŭ, što toje, što trymaje Ukrainu ciapier — heta narod. Ukrainskich ludziej jon nazyvaje «fienomienam» i ličyć, što tolki na ich trymajecca dziaržava.
Hałoŭnakamandujučy pryznaŭ, što Ukraina straciła mnohich prafiesijnych vajskoŭcaŭ: «My stracili vielmi šmat ludziej u hety momant, kadravych kamandziraŭ. Tamu što vajnu pačynajuć kadravyja vajskoŭcy, a zaviaršajuć nastaŭniki, inžyniery, buchhałteryja — heta toje, što ciapier adbyvajecca».
Załužny adznačyŭ, što asnovaj pieramohi stanie nie tolki hieraizm ukraincaŭ, ale i vykarystańnie pieradavych technałohij, bolš efiektyŭnaj techniki: «Ale pakul usio trymajecca na plačach prostych ludziej. Usie pieramohi, jakija byli, jany byli zdabytyja žyćciami našych ukraincaŭ, jakija pakłali svajo žyćcio, vyzvaliŭšy Chierson, vyzvalajučy Čarnihaŭščynu, Sumščynu i Kijeŭ dy Kijeŭščynu».
Čytajcie taksama:
Załužny pra pieramohu Ukrainy: Zamała tolki vyzvaleńnia akupavanych terytoryj
ale mažliva ja niešta nie razumieju)