U čarzie na ŭjezd u Biełaruś z boku Polščy — kala 1000 fur
Čarha z 1000 vielikahruzaŭ na ŭjezd u Biełaruś sabrałasia pierad polskim punktam propusku «Kukuryki» (ź biełaruskaha boku «Kazłovičy»), paviedamlajuć polskija ŚMI.
Fota ilustracyjnaje
Biahučy čas čakańnia z boku punkta «Kukuryki» składaje ažno 33 hadziny. Za minułuju 12-hadzinnuju źmienu (druhaja pałova čaćviarha 11 maja) u abodvuch napramkach było aformlena 249 hruzavikoŭ.
Na vyjezd ź Biełarusi ŭ polski bok pa stanie na 14:00 12 maja ŭ čarzie znachodzicca 15 fur.
Čerhi na miažy ŭtvarajucca z-za taho, što 9 maja kala mytnaha terminała «Karoščyn» pry pamiežnym punkcie «Kukuryki» pačałasia sankcyjanavanaja polskimi ŭładami akcyja pratestu polskich pieravozčykaŭ. Ich patrabavańni: zabaranić ujezd u Polšču rasijskim i biełaruskim paŭpryčepam i pryniać miery ŭ dačynieńni da transpartnych kampanij, jakija biełarusy i rasijanie stvaryli na terytoryi Polščy.
Dazvoł na praviadzieńnie akcyi byŭ vydadzieny polskimi ŭładami na pieryjad z 9 maja pa 9 červienia 2023 hoda.
Čytajcie taksama:
Litoŭska-biełaruskuju miažu ciapier patruluje miadźviedź
Kiroŭca fury sprabavaŭ napaści na vajskoŭcaŭ la miažy — Minabarony
U Biełaviežskaj puščy ŭčora byli lasnyja pažary. Palaki padazrajuć, što pryčyna ŭ mihrantach
