У чарзе на ўезд у Беларусь з боку Польшчы — каля 1000 фур
Чарга з 1000 велікагрузаў на ўезд у Беларусь сабралася перад польскім пунктам пропуску «Кукурыкі» (з беларускага боку «Казловічы»), паведамляюць польскія СМІ.
Фота ілюстрацыйнае
Бягучы час чакання з боку пункта «Кукурыкі» складае ажно 33 гадзіны. За мінулую 12-гадзінную змену (другая палова чацвярга 11 мая) у абодвух напрамках было аформлена 249 грузавікоў.
На выезд з Беларусі ў польскі бок па стане на 14:00 12 мая ў чарзе знаходзіцца 15 фур.
Чэргі на мяжы ўтвараюцца з-за таго, што 9 мая каля мытнага тэрмінала «Карошчын» пры памежным пункце «Кукурыкі» пачалася санкцыянаваная польскімі ўладамі акцыя пратэсту польскіх перавозчыкаў. Іх патрабаванні: забараніць уезд у Польшчу расійскім і беларускім паўпрычэпам і прыняць меры ў дачыненні да транспартных кампаній, якія беларусы і расіяне стварылі на тэрыторыі Польшчы.
Дазвол на правядзенне акцыі быў выдадзены польскімі ўладамі на перыяд з 9 мая па 9 чэрвеня 2023 года.
Чытайце таксама:
Літоўска-беларускую мяжу цяпер патрулюе мядзведзь
Кіроўца фуры спрабаваў напасці на вайскоўцаў ля мяжы — Мінабароны
У Белавежскай пушчы ўчора былі лясныя пажары. Палякі падазраюць, што прычына ў мігрантах
