Litva pastrožyć praviły ŭvozu najaŭnych hrošaj ź Biełarusi i Rasii
Z nastupnaha hoda pavialičacca štrafy za niedakładna zadekłaravanyja najaŭnyja hrošy, jakija ŭvoziacca ŭ Litvu, ich možna budzie kanfiskavać. Paradak staŭ bolš strohim u suviazi z pavieličeńniem hrašovaha patoku, jaki pieravozicca praź miažu z Rasijaj i Biełaruśsiu, piša LRT.
U aŭtorak Siejm pryniaŭ takija papraŭki da Kodeksa ab administracyjnych pravaparušeńniach i zakonu ab padatkovym administravańni.
Štrafy za pieršaje pravaparušeńnie składuć ad 390 jeŭra da 1200 jeŭra, za paŭtornaje — ad 1 jeŭra da 3900 jeŭra. Taksama hrošy mohuć kanfiskavać.
Ministr finansaŭ Hintare Skajście niekalki tydniaŭ tamu, kali ahučvała papraŭki Siejmu, patłumačyła, što paradak stanovicca bolš strohim, bo značna pavialičyŭsia patok hrašovych srodkaŭ, jakija vyvoziacca praź miažu z Rasijaj i Biełaruśsiu, jak miarkujecca, z zachoplenych terytoryj Ukrainy.
