U Navahrudskim rajonie bajcovy sabaka zahryz haspadara
U vioscy Ačukievičy Navahrudskaha rajona stafardšyrski terjer zahryz svajho haspadara. Trochhadovuju dačku mužčyny ŭdałosia vyratavać.
Amierykanski stafardšyrski terjer. Zdymak ilustracyjny. Fota: Wikimedia Commons
Dniom 9 maja ŭ milicyju pastupiła paviedamleńnie, što minčanin i jahonaja dačka, jakija pryjechali ŭ viosku, druhi dzień nie vychodziać na suviaź, paviedamiła navahrudskaja rajonka «Novaje žyćcio».
Miascovy ŭčastkovy, prybyŭšy da patrebnaha doma, pabačyŭ, što vokny i dźviery ŭ im začynienyja. Susiedka raskazała jamu, što niekalki razoŭ stukałasia ŭ dom, ale joj nichto nie adkazvaŭ. Adnačasova žančyna papiaredziła, što ŭ domie moža znachodzicca sabaka bajcovaj parody.
Adčyniŭšy akno, milicyjanier pabačyŭ cieła mužčyny sa śladami ran na padłozie, a ŭ kucie — dziaŭčynku. Dziaŭčynka bajałasia padyści da akna, bo sabaka na jaje hyrkaŭ.
Kali pryjechali inšyja supracoŭniki milicyi i adciahnuli sabaku, dzicia ŭdałosia vyciahnuć praz akno. Dziaŭčyncy akazali miedycynskuju dapamohu, sabaku ŭsypili.
Maci dziciaci raskazała, što sabaka žyŭ u ich šeść hadoŭ, jaho ŭziali ščaniukom, vychoŭvali i dresiravali. Da hetaha hadavaniec nijakaj ahresii nibyta nie prajaŭlaŭ.
Čytajcie taksama:
Sabaki i katy mohuć abierahać ad alerhij. Ale žyćcio za horadam moža być jašče važniejšym
Niezvyčajnaja historyja radziviłaŭskich paleskich spanielaŭ
Dama z sabačkami. Hałoŭny architektar Minska razvodzić skotčterjeraŭ
