Abvieščany zbor na pachavańnie palitviaźnia Mikałaja Klimoviča, jaki pamior u viciebskaj kałonii
7 maja stała viadoma, što ŭ viciebskaj kałonii №3 pamior błohier Mikałaj Klimovič ź Pinska, viadomy jak Mikałaj Vierasień. U hetuju kałoniju jaho pieraviali dva tydni tamu. Palitźniavolenamu byŭ 61 hod.
Mikałaj Klimovič. Fota: jaho staronka ŭ fejsbuku
Mikałaja Klimoviča asudzili da hady kałonii za karykaturu na Łukašenku. Taki prysud vynieśli, niahledziačy na toje, što jon mieŭ invalidnaść II hrupy pa sercy, pieraniesienyja ciažkuju apieracyju na sercy i insult.
U apošnim słovie palitviazień skazaŭ: «Luby turemny termin dla mianie — śmierć, tamu što ja pavinien znachodzicca pad stałym nazirańniem lekara, prymać šmat mocnych preparataŭ. Ja mahu nie pratrymacca i miesiac».
Mužčynu aryštavali ŭ zale suda, bo da prysudu jon byŭ na voli.
Sudździoj pa spravie byŭ Andrej Byčyła, prakuroram — Ilja Huzarevič.
Fond «Bajsoł» abviaściŭ zbor na pachavańnie palitviaźnia. Patrebna 4000 jeŭra — na pachavańnie i ŭšanavańnie pamiaci Mikałaja. Litaralna za niekalki hadzin biełarusy sabrali tracinu nieabchodnaj sumy.
Čytajcie taksama:
Invalida ź Pinska asudzili da kałonii za karykaturu na Łukašenku
