ZŠA ŭpieršyniu pieradaduć Tajvaniu zbroju pa paskoranaj pracedury
Administracyja prezidenta ZŠA Džo Bajdena rychtuje dla Tajvania pakiet uzbrajeńniaŭ koštam 500 miljonaŭ dalaraŭ, vykarystoŭvajučy miechanizm paskoranaj pieradačy zbroi, jaki prymianiaje dla dapamohi Ukrainie.
Pakiet dapamohi Tajvaniu budzie praduhledžvać adpraŭku najaŭnych zapasaŭ amierykanskaj zbroi i dapamožnaha abstalavańnia ŭ ramkach tak zvanaha prezidenckaha paŭnamoctva na skaračeńnie ŭzbrajeńniaŭ (Presidential Drawdown Authority), paviedamlaje Reuters.
Heta dazvolić ZŠA abyści časta praciahły praces zaklučeńnia kantraktaŭ i vytvorčaści ŭzbrajeńniaŭ, jaki pryvioŭ da zatrymak u pastaŭkach Tajvaniu zbroi ŭžo na sumu 19 miljardaŭ dalaraŭ.
U biudžecie na 2023 hod Kanhres ZŠA ŭpaŭnavažyŭ Bajdena vykarystoŭvać uzbrajeńnie koštam da 1 miljarda dalaraŭ z amierykanskich składoŭ dla dapamohi Tajvaniu. Pakiet na 500 miljonaŭ dalaraŭ stanie pieršym vykarystańniem hetych srodkaŭ.
U toj ža čas Kanhres ZŠA nie praduhledzieŭ finansavańnie na zamienu zbroi, jakuju buduć pieradavać Tajvaniu, tamu Pientahonu daviadziecca šukać hetyja hrošy paźniej.
Čytajcie taksama:
Kitaj stvaraje zbroju, skiravanuju na pierachop kantrolu nad spadarožnikami — FT
Tajvań amal całkam biezabaronny pierad pavietranym napadam Kitaja — źlivy
