Jakoje voziera ŭ Biełarusi najbolš prydatnaje dla dajvinhu?
Dla zaniatkaŭ padvodnym palavańniem abo dajvinham jak chobi znajści prydatnyja miescy ŭ aziornaj Biełarusi niaprosta. Ale niekalki takich miescaŭ usio ž jość, raskazaŭ u efiry vydańnia «Smartpres» kiraŭnik Biełaruskaj fiederacyi padvodnaha sportu Viačasłaŭ Ramanovič.
Voziera Doŭhaje. Fota z sajta pridvinie.vlib.by
Pavodle Ramanoviča, dla padvodnaha palavańnia vybar siarod biełaruskich vadajomaŭ zusim nievialiki, bo tut dziejničajuć dziaržaŭnyja zabarony. Takich miescaŭ, dzie heta dazvalałasia b, ciapier stała zusim niašmat.
Što tyčycca taho, kab prosta panyrać i pazdymać padvodny śviet, to tut zabaronaŭ niama, ale treba, kab u vadajomie była dobraja bačnaść, jakuju amatary dajvinhu nazyvajuć «prozrakam». I pažadana, kab byŭ jarki padvodny anturaž.
I tut, pavodle lidara biełaruskich dajvieraŭ, biez kankurencyi voziera Doŭhaje ŭ Hłybockim rajonie. Jano mała taho što samaje hłybokaje ŭ Biełarusi (maksimalnaja hłybinia 53,7 m), dyk i dastatkova prazrystaje.
Taksama ŭ Viciebskaj vobłaść jość i jašče davoli vialikaja kolkaść azior, jakija majuć pryhožy padvodny śviet. Heta, pavodle Viačasłava Ramanoviča, Błakitnyja aziory (hrupa azioraŭ na sutyku Viciebskaj, Hrodzienskaj i Minskaj abłaściej), Ušackaja hrupa, vadajomy ŭ Hłybockim i Połackim rajonach.
Čytajcie taksama:
«Najlepšy zaharadny dom u Biełarusi, premium-kłas!» Jakija damy pradajuć na bierazie Naračy
