Z salihorskaha «Šachciora» mohuć źniać jak minimum 15 bałaŭ i vyklučyć z vyšejšaj lihi
Pasiadžeńnie kantrolna-dyscyplinarnaj kamisii pa hetym pytańni adbudziecca nie raniej za nastupny tydzień.
«Šachcior» Salihorsk. Fota fcshakhter.by
Jak stała viadoma football.by, KDK Biełaruskaj fiederacyi futboła praviała ŭžo niekalki pasiadžeńniaŭ pa pytańni sankcyj da «Šachciora» i inšych udzielnikaŭ ČB za arhanizacyju damoŭnych matčaŭ i karupcyju. Na hetych pasiadžeńniach, kudy pryjazdžali i pradstaŭniki kamand, pravodziłasia padrychtoŭčaja praca dla vyniasieńnia kančatkovaha vierdyktu.
Varyjantaŭ dla pakarańnia šmat, i jany hruntujucca na artykułach dyscyplinarnaha kodeksa BFF. A mienavita, na artykule 98 (karupcyja) i artykule 99 (arhanizacyja damoŭnych matčaŭ).
Pad pieršy z hetych artykułaŭ padpadaje tak zvanaje stymulavańnie trecim bokam jak manipulavańnie vynikami matčaŭ. Jano karajecca zdymańniem nie mienš čym 15 bałaŭ albo vyklučeńniem z vyšejšaj lihi. A voś da arhanizataraŭ «dahavarniakoŭ» mohuć być užytyja abiedźvie hetyja miery adnačasova.
«Šachcior» apošnija try hady rabiŭsia čempijonam Biełarusi pa futbole.
Čytać taksama:
ABFF nie viedaje, što rabić z «Šachcioram». A pryniać rašeńnie treba ciaham tydnia
