Znajści
Ałharytmičny łacinski varyjant
04.05.2023 / 12:453RusŁacBieł

Zialenski ŭ Haazie: My ŭsie chočam bačyć tut inšaha Uładzimira

Prezident Ukrainy Uładzimir Zialenski, vystupajučy ŭ Haazie, dzie znachodzicca Mižnarodny kryminalny sud zajaviŭ, što chacieŭ by bačyć tam prezidenta Rasii, piša reform.by.

«Biezumoŭna, my ŭsio chočam bačyć tut inšaha Uładzimira. My žadajem bačyć jaho ŭ Haazie. Taho, chto zasłuhoŭvaje być asudžanym za złačynnyja dziei. I heta musić być zroblena tut, u stalicy mižnarodnaha prava. Ja ŭpeŭnieny, heta adbudziecca, kali my pieramožam, a my pieramožam. My pieramožam nie tolki na poli bitvy, nie tolki ŭ baraćbie z hetaj ahresijaj», — skazaŭ jon.

Uładzimir Zialenski padkreśliŭ, što zadača śvietu — spravicca nie z kankretnaj ahresijaj, a z ahresiŭnaj vajnoj u cełym.

«Tyja, chto pačaŭ hetuju vajnu, nie vieryli, što im daviadziecca adkazvać za vajnu. Ale vajna pavinna atrymać prysud», — skazaŭ jon.

Prezident Ukrainy padziakavaŭ Niderłandam za akazanuju vajennuju dapamohu. Jon padkreśliŭ, što paślavajenny mir moža być dasiahnuty tolki dziakujučy kaštoŭnaściam: svabodzie, viaršenstvu prava i h.d.

Jon nahadaŭ pra toje, što vajna praciahvajecca 15-y miesiac, adznačyŭšy, što za hety čas rasijski bok učyniŭ sotni tysiač vajennych złačynstvaŭ. Prezident Ukrainy taksama nahadaŭ ab achviarach rejsa MH-17, jaki byŭ źbity nad Danbasam u 2014 hodzie, siarod jakich było šmat hramadzian Niderłandaŭ. Zialenski prapanavaŭ ušanavać chvilinaj maŭčańnia pamiać usich achviar rasijskaha teroru.

Uładzimir Zialenski zaklikaŭ adaptavać dośvied Niurnbierhskaha trybunała da sučasnaj situacyi. Jon zaklikaŭ prymianiać śmiełyja rašeńni, jakija buduć likvidavać prabieły ŭ mižnarodnym pravie.

«My nie možam dziela našych dziaciej i budučyni adstupicca ad idejaj takoha trybunała. Ustojlivaść śvietu ŭźnikaje ŭ vyniku paŭnavartasnaj spraviadlivaści ŭ dačynieńni da ahresara. Časam śviet baicca addać naležnaje spraviadlivaści. Ale ja chaču zaklikać: nie treba bajacca, ahresar pavinien adčuć usiu paŭnatu pravasudździa, nakiravanaha suprać jaho», — skazaŭ jon.

I padkreśliŭ, što tolki trybunał moža pa-sapraŭdnamu asudzić złačynstva ahresii.

Siońnia Uładzimir Zialenski pačaŭ vizit u Niderłandy, jon naviedaŭ Mižnarodny kryminalny sud, taksama zapłanavanyja jaho sustrečy z kiraŭnictvam Niderłandaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
mikola/adkazać/
04.05.2023
zabylisja pra usenarodna abranaga....Jamu tez tam mesca!
1
Cha cha/adkazać/
04.05.2023
mikola, nie biełarusy, vy sami vyrašajcie svaje prabojemy...
1
**/adkazać/
04.05.2023
mała chto pamiataje, jak...
niezadoŭha da 24.03.22
frau mierkiel telefanavała pucinu na pradmiet taho, kab pucin paŭpłyvaŭ na łukašenku nakont mihrantaŭ... na što pucin skazaŭ - nie čapajcie biełarusaŭ - jany sami tam raźbiarucca
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031