Kolkaść zahinułych padčas učorašniaha abstrełu Chiersona vyrasła da 23 čałaviek
Paśla ŭčorašniaha abstrełu rasijskimi zachopnikami horada Chierson i vobłaści kolkaść zahinułych hramadzian uzrasła da 23 čałaviek, paviedamiŭ kiraŭnik Chiersonskaj abłasnoj vajskovaj administracyi Alaksandr Prakudzin u telehramie.
«Za minułyja sutki praciŭnik ździejśniŭ 98 abstrełaŭ, vypuściŭšy 539 snaradaŭ ź ciažkaj artyleryi, «Hradaŭ», tankaŭ, BPŁA i avijacyi», — napisaŭ Prakudzin.
U pryvatnaści, horad Chierson vorah abstralaŭ 16 razoŭ. Padčas abstrełaŭ rasijskija vajskoŭcy pacelili ŭ žyłyja kvartały nasielenych punktaŭ vobłaści.
«Z asablivaj žorstkaściu abstralany horad Chierson. 82 snarady pacelili ŭ pryvakzalnuju płošču, terytoryju i zbudavańni čyhunačnaha vakzała, AZS, dźviuch ustanoŭ handlu, zavoda i aŭtahaspadarki; terytoryju čyhunačnaha pierajezdu», — adznačajecca ŭ paviedamleńni.
Zahinuli 23 čałavieki, 46 (ź ich dvoje dziaciej) — atrymali ranieńni.
