U Minsku na sadku zatynkavali mazaiku, da jakoj usie pryvykli
U minskim Zialonym Łuzie — ci to sumnaja, ci to kranalnaja historyja. Tam jość dziciačy sadok, jaki prazvali «Čaburaška». Usie z-za mazaik na fasadzie, jakija znachodziacca tam, kolki pamiatajuć miascovyja žychary. Padčas ramontu adnu ź ich zatynkavali, druhi Čaburaška — u niebiaśpiecy. «Dzieci zasmučanyja», — napisała ŭ Onlíner adna mama.
Havorka pra dziciačy sad №347, što na vulicy Cikockaha, 52.
— Jaho prazvali «Čaburaška». Mazaika na fasadzie była miascovaj słavutaściu. Ciapier, paśla ramontu, jaje niama. Dzieci vielmi zasmučanyja, — adznačyła maci adnaho z małych.
Pryčyna rasstrojstva zrazumiełaja: na miescy viasiołaha hieroja z mulcika ciapier sumnaja tynkoŭka.
Sumujuć i baćki.
— Vychavalniki skazali, što plitka absypajecca, tamu pa-nad joj i pačali tynkavać. Mazaika była prostaja, ale ŭsie jaje lubili. Prykra.
Čaburašku na druhim fasadzie nie zatynkavali. Voś jon, na fatahrafii, zroblenaj hod tamu.
U dziciačym sadku №347 rastłumačyli hetuju historyju. Raboty na budynku — płanavy ramont, jaho pravodziać ad Upraŭleńnia pa adukacyi Pieršamajskaha rajona Minska.
— Na žal, mazaika była ŭžo niebiaśpiečnaja. Plitka pačała patrochu absypacca, a pytańni biaśpieki — na pieršym miescy.
Ale jość i dobryja naviny: druhoha Čaburašku źniščać nie buduć, prynamsi pakul, pakolki tam stan ściany narmalny.
Mazaiki byli na ścianie z momantu pabudovy budynka ŭ 1975 hodzie. Adsiul i «Čaburaška» — nieaficyjnaja nazva dziciačaha sadka. Malunak hetaha hieroja jość i na sajcie daškolnaj ustanovy.
Zrazumieła, što biaśpieka — sprava važnaja. Ale chaciełasia b, kab typavyja prajekty ramontaŭ usio ž uličvali miascovyja asablivaści. Naprykład, minułym letam zatynkavali kałarytnuju savieckuju mazaiku na ścianie himnazii №15 na vulicy Maksima Bahdanoviča.
a sadok (jak i sama zabudova mikrarajona) cikavy byŭ... nakolki ja mahła acanić svaim vokam 4-ch hadovaha dziciaci za tyja 2 miesiacy
nas vyvodzili za aharodžu sadka (to bok zony) u prylehły lesapark... na tak zvany piknik...
heta było klova
tamu što ŭ tym sadku, kudy potym apredzialili mianie, byŭ žestačajšy kancłahier
heta "kabančyk" nalepleny viertykalna i pafarbavany?
cikava..)
"Vychavalniki skazali, što plitka absypajecca, tamu pa-nad joj i pačali tynkavać."
"kabančyk" sapraŭdy sumna znakamity tym (šče z savieckich časoŭ), što časta advalvajecca... ale na fota ja nie baču, kab jon advaliŭsia... zatoje baču ,,iakaść,, ,,tynkoŭki,, (
https://nashaniva.com/315908