Pravasłaŭnaja carkva Ukrainy ŭžo ŭ mai źbirajecca zaćvierdzić pierachod na novajulijanski kalandar
Pra namier u najbližejšy čas pierajści ź julijanskaha na novajulijanski kalandar (zaraz supadaje z hryharianskim) paviedamiŭ kiraŭnik PCU mitrapalit Jepifanij.
Mitrapalit Jepifanij (krajni sprava) razam z kiraŭnikom Ukrainskaj pravasłaŭnaj carkvy Maskoŭskaha patryjarchata mitrapalitam Anufryjem (krajni źleva) z prezidentam Ukrainy Uładzimiram Zialenskim i jahonaj žonkaj Alenaj
Usie daty pa kalendary PCU takim čynam zrušacca na 13 dzion. U pryvatnaści, Naradžeńnie Chrystova budzie adznačacca ciapier 25 śniežnia, a nie 7 studzienia.
«Ažyćciaŭleńnie hetaj reformy ŭ pieršuju čarhu dazvolić pierajści na bolš dakładny kalandar i paźbiehnuć u budučyni pastupovaha zrušeńnia nieruchomych śviat. I choć na hetym šlachu jašče zastajucca niekatoryja ciažkaści, adnak pierakanany, što z Božaj dapamohaj my ich vyrašym», — adznačyŭ mitrapalit Jepifanij.
Adpaviednaje rašeńnie moža być pryniata na Archijerejskim sabory PCU.
Čytajcie taksama:
Va Ukrainie idzie histaryčnaja kaladnaja liturhija ŭ Łaŭry. Čamu heta važna dla ŭsich viernikaŭ
Kijeva-Piačerskuju łaŭru pierarehistravali na karyść Pravasłaŭnaj carkvy Ukrainy. Ale jość niuansy
