«Heta majo štodzionnaje adzieńnie». Žycharu Fanipala dali «chatniuju chimiju» za ŭdzieł u pratestach
Sud Dziaržynskaha rajona 2 maja vynies prysud 37-hadovamu žycharu Fanipala Maksimu Pałujančyku, abvinavaciŭšy jaho ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo ŭdziele ŭ ich, pavodle č. 1 art. 342 Kryminalnaha kodeksa, paviedamiła «Viasna».
Pavodle abvinavačańnia, Maksim Pałujančyk 14 žniŭnia 2020 hoda braŭ aktyŭny ŭdzieł u niesankcyjanavanym masavym mierapryjemstvie pa vulicy Bresckaj u Fanipali. Pry hetym jon nibyta razam ź inšymi vychodziŭ na prajeznuju častku vulicy, zaminaŭ pracy hramadskaha transpartu, plaskaŭ u dałoni i nie padparadkoŭvaŭsia patrabavańniam supracoŭnikaŭ milicyi. A hałoŭnaje — byŭ apranuty ŭ biełuju cišotku i čyrvonuju bajku.
«Čamu vy tak apranulisia?» — cikaviŭsia na sudzie pradstaŭnik abvinavačańnia.
«Tamu što heta majo štodzionnaje adzieńnie», — adkazaŭ abvinavačany.
Pałujančyka zatrymali na miescy pracy 24 studzienia 2023 hoda i da suda źmiaścili pad vartu.
Sud pryznaŭ Maksima vinavatym i pryznačyŭ jamu pakarańnie ŭ vyhladzie abmiežavańnia voli biez nakiravańnia va ŭstanovu adkrytaha typu terminam na dva hady i šeść miesiacaŭ.
Jaho vyzvalili z-pad varty ŭ zale suda.
Spravu razhladaŭ sudździa Siarhiej Krupiec.
Čytajcie taksama:
Siarod zatrymanych padčas abłavy ŭ Homieli — viadomy staličny rejvier
Paśla ŭzmacnieńnia pakarańnia 73-hadovaha Barysa Kučynskaha adpravili ŭ kałoniju