Siarod zatrymanych padčas abłavy ŭ Homieli — viadomy staličny rejvier
Jaho vinavaciać u achviaravańniach na «Bajsoł» i padpiskach na «ekstremisckija» resursy.
Fota: 34mag.net, staronki «Ukantakcie» zatrymanych i telehram-kanał HUBAZiKa
Siońnia HUBAZiK pakazaŭ šaściarych zatrymanych u Homieli za apošni čas. Adnym z zatrymanych akazaŭsia 33-hadovy Pavieł Dankaŭ — stvaralnik rejv-prajekta «MIEČTA», jaki vystupaje pad psieŭdanimam Morgotika.
Pavieł Dankaŭ. Fota: jahonaja staronka «Ukantakcie»
Dankaŭ skončyŭ fakultet mižnarodnych adnosinaŭ BDU, ale zajmaŭsia arhanizacyjaj viečaryn z 2011 hoda. U lutym 2016-ha jon stvaryŭ prajekt «MIEČTA», pad dacham jakoha arhanizoŭvaŭ rejv-viečaryny — u Minsku jany časta prachodzili na Kastryčnickaj vulicy. Apošniaja viečaryna prajekta prajšła paŭhoda tamu ŭ Homieli.
Jaho vinavaciać u achviaravańniach na «Bajsoł» i padpiskach na «ekstremisckija» resursy.
Jašče adnym zatrymanym staŭ 24-hadovy homielski fatohraf Pavieł Bułanaŭ.
Pavieł Bułanaŭ. Fota: jahonaja staronka «Ukantakcie»
Chłopiec rabiŭ šmat fota i dla dziaržaŭnych pradpryjemstvaŭ: da prykładu, dla knihi da 20-hodździa «Mahiloŭaŭtadora» abo vydańnia da 50-hodździa Minskaha matornaha zavoda. Taksama Pavieł zachaplajecca padarožžami pa Biełarusi, asabliva na rovary, amatar rybałki.
Jaho vinavaciać u tym, što jon «raspaŭsiudziŭ ekstremisckuju simvoliku».
Trecim viadomym zatrymanym staŭ 22-hadovy Ihar Stupakoŭ z Buda-Kašalova.
Ihar Stupakoŭ. Fota: kanał HUBAZiKa
Ihar — sirata. Viadoma, što jon maje katehoryju kiroŭcy S i ŭ 2019-m šukaŭ pracu kiroŭcam. Čym jon zajmajecca ciapier — nieviadoma.
Jaho vinavaciać u «padpiscy na ekstremiscki telehram-kanał» — u siužecie HUBAZiKa pakazvajecca skrynšot z kanała «Čaj z malinavym vareńniem».
Jašče adnaho zatrymanaha, imia jakoha nieviadomaje, vinavaciać u tym, što jon u 2020-m napisaŭ kamientar, sutnaść jakoha zvodzicca da taho, što ludziam varta pratestavać.
Nieviadomy, jakoha vinavaciać u padpiskach na «ekstremisckija» čaty i pakidańni tam kamientara
Imiony astatnich dvaich mužčyn, pakazanych u videa, taksama nieviadomyja.
«Naša Niva» — bastyjon biełaruščyny
PADTRYMAĆČytajcie taksama:
Dziaŭčynu zatrymali za kamientary. Voś jak jaje adšukali
Jak vydalić akaŭnt u Telegram i stvaryć jaho nanova na virtualny numar — pakrokavy hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
