Finlandyja rychtuje pahadnieńnie z ZŠA, jakoje dazvolić raźmiaščać na jaje terytoryi amierykanskija vajennyja bazy
Finlandyja i ZŠA rychtujuć dvuchbakovaje pahadnieńnie ŭ halinie abarony. Pa im na terytoryi Finlandyi zmohuć raźmiaščacca amierykanskija vajennyja abjekty, uzbrajeńnie i vajennaja technika.
Fota: Joakim Honkasalo / Unsplash
Pra heta paviedamlaje namieśnik kiraŭnika palityčnaha departamienta MZS Finlandyi Mikael Anteł, piša finskaja hazieta Helsingin Sanomat.
Hetaje pahadnieńnie nie budzie tyčycca jadziernaj zbroi. Inšyja detali pakul nie viadomyja.
Pa słovach Anteła, pahadnieńnie dazvalaje amierykanskim vojskam uvachodzić u krainu, zastavacca na jaje terytoryi, raźmiaščać i zachoŭvać materyjały, a taksama ździajśniać inviestycyi ŭ infrastrukturu za košt srodkaŭ, pradastaŭlenych Kanhresam ZŠA Pientahonu.
Takija ž pahadnieńni ŭ ZŠA jość ź inšymi krainami NATO, dadaje ruskaja słužba «Bi-bi-si».
Finlandyja vyrašyła ŭstupić u NATA paśla pačatku vajny va Ukrainie ŭ 2022-m. U Paŭnočnaatłantyčny aljans kraina ŭvajšła 4 krasavika 2023 hoda. Dahetul Finlandyja była aficyjnym partnioram NATA.
