Pucin padpisaŭ ukaz, jaki dazvalaje departavać žycharoŭ akupavanych terytoryj, što nie pryniali hramadzianstva Rasii

Jak pišuć rasijskija ŚMI, hetyja ludzi pavinny abo stać hramadzianami Rasii, ci zajavić pra svajo žadańnie zachavać najaŭnaje ŭ ich hramadzianstva i admovicca prynosić prysiahu rasijskaha hramadzianina.

Zhodna z ukazam, ludzi, jakija admoviacca stać rasijanami, zachavajuć prava znachodzicca pa miescy žycharstva da 1 lipienia 2024 hoda, a paśla jany buduć ličycca inšaziemcami. Pry hetym kali takija ludzi buduć pahražać «nacyjanalnaj biaśpiecy», płanavać «ekstremisckija i terarystyčnyja złačynstvy», to jany mohuć być vydvaranyja. Na jakuju mienavita terytoryju ich źbirajucca vydvarać, va ŭkazie nie ŭdakładniajecca.

Uvosień 2022 hoda rasijskija ŭłady zajavili ab anieksii čatyroch ukrainskich abłaściej (Danieckaj, Łuhanskaj, Zaparožskaj i Chiersonskaj), častkova kantralavanych rasijskaj armijaj. Ale amal nichto ŭ śviecie hetaha aficyjna nie pryznaje.

Čytajcie taksama:

«Ty ž mužyk. Budź im». U prapahandysckim roliku Minabarony Rasii z Z-rekłamaj słužby pa kantrakcie źniaŭsia biełarus

Historyk: Pierśpiektyvy spynieńnia bajoŭ zaležać ad taho, kali narod Rasii zrazumieje, što kraina nie moža vyjhrać

U Rasii buduć sadžać i štrafavać za karty, dzie anieksavanyja rehijony Ukrainy nie paznačanyja terytoryjaj Rasii

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

2

6

2

0

1

41